«Չեն ուզում կոնֆլիկտի մեջ մտնել վարչապետի հետ». «Փաստ»

«Փաստ» օրաթերթը գրում է.

Արտահերթ խորհրդարանական ընտրություններից զատ` նոր կառավարության համար խնդիր է մենաշնորհների վերացումը: Ըստ իրենց` մենաշնորհների վերացման գործընթացը կա, թեև տեսակետները տարբեր են. կամ լավ չի իրագործվում, կամ ընդհանրապես չկա նման գործընթաց: Երկրորդ խնդիրը դատաիրավական համակարգին չմիջամտելն է, ինչը, համեմատաբար, իրականացվում է, որովհետև միջամտություն իսկապես չկա: Երրորդը նորմալ երկիր կառուկապես չկա: Երրորդը նորմալ երկիր կառու­ ցելն է, որի ուղղությամբ ռազմավարական առումով դեռ ոչ մի քայլ չի կատարվում: «Փաստ»–ի հետ զրույցում նման տեսակետ հայտնեց քաղտեխնոլոգ Արմեն Բադալ յանը, ով թվարկվածները որպես օպերատիվ խնդիրներ որակեց:

«Սրանք օպերատիվ են, բայց, ըստ իս, կառավարությունն իր առջև պետք է դներ ավելի լուրջ ռազմավարական խնդիրներ: Այսինքն` Հայաստանի զարգացման ռազմավարական վեկտորի կամ տեսլականի նկարագրում և ներկայացում, ինչը տեղի չի ունեցել: Սա է իրենց ամենամեծ բացթողումը: Տակտիկական փոփոխությունները, որոնք արվում են, պետք է ծառայեին այդ վեկտորի հզորացմանը և զարգացման ուղղություն ցույց տային: Իսկ հիմա, քանի որ այդ վեկտորը չկա, ստացվում է, որ յուրաքանչյուր նախարար իր բնագավառում իր պատկերացմամբ է ինչ–որ փոփոխություններ իրականացնում: Ընդհանուր մեկ ուղղություն չկա. ի վերջո այդ փոփոխություններն ինչի՞ են հանգեցնելու: Այս պահի դրությամբ սա իրենց ամենամեծ խնդիրն է»,–ասաց նա:

Ըստ քաղտեխնոլոգի` ռազմավարական վեկտորն իր արտացոլումը պետք է ունենար կառավարության ծրագրում:

«Կառավարության ծրագիրը քաղաքական այն կարևորագույն գործոններից մեկն է, որտեղ երևում է երկրի զարգացման կառավարման վեկտորը: Ներկայացված ծրագրում այն չկար: Ինչպես անցած 25 տարիների կառավարությունների ծրագրերում, այստեղ ևս շատ դեպքերում ուղղակի բարի ցանկություններ էին նկարագրվել: Իսկ ծրագիրը մշակելու համար ունեցած կարճ ժամանակահատվածը արդարացում չէ: Ժամանակը կապ չունի: Մեկ ամիսն ամբողջովին բավարար էր, որ երկրի զարգացման վեկտորն այդ ծրագրում ուղենշվեր: Դա չի նշանակում, որ մանրամասն 5 կամ 10 տարվա տեսլական պետք է գրեին, բայց պետք է ցույց տային, թե երկիրը ո՞ր ուղղությամբ է զարգանում և որոշ ժամանակ հետո մոտավորապես ի՞նչ պատկեր է ունենալու»,–նշեց Ա. Բադալ յանը: Անդրադառնալով ԱԺ ՀՀԿ խմբակցությունից մի շարք գործարարների դուրս գալու փաստին` քաղտեխնոլոգն ընդգծեց. «ՀՀԿ–ի համար սա նախ թվաքանակի կորուստ էր, իսկ նոր իշխանության համար` լրացուցիչ ձայներ ԱԺ–ում: Սակայն կարևորը սա չէ, այլ այն, որ հեղափոխությունը չեղավ նրա հա­ մար, որ ՀՀԿ խմբակցությունը 58–ից դառնա 52 կամ 42: Հեղափոխությունը եղավ, որ ցույց տրվի Հայաստանի զարգացման հեռանկարը, որովհետև, ինչպես ասում էին, երկիրն ապագա չուներ: Մնացած բոլոր հարցերը պետք է ծառայեն երկրի զարգացմանը, իսկ քանի որ այդ հարցերը չկան, ապա խմբակցությունից դուրս գալու փաստերն ընդամենը օպերատիվ հարցեր լուծելու խնդիր են դիտարկվում: Բացի այդ, Հայաստանում հատկապես խոշոր գործարարները միշտ էլ եղել են իշխանության կողքին: Փորձել են կոնֆլիկտի մեջ չմտնել իշխանության հետ, որովհետև դժվար է պատկերացնել, որ հատկապես ՀՀԿ խմբակցությունում ընդգրկված խոշոր գործարարները կարող են ընդդիմություն լինել: Երբ իշխանափոխությունն արդեն անշրջելի է դառնում, և ՀՀԿ–ն իշխանության վերադառնալու հնարավորություն այլևս չունի, արտահերթ խորհրդարանական ընտրություններում էլ 5 տոկոսի շեմը չի հաղթահարի, գործարարների մնալն այդ խմբակցությունում անիմաստ է դառնում»: Արմեն Բադալ յանի խոսքով` նրանք կառավարության բերած օրենքներին ու նախագծերին կողմ կքվեարկեն: 

«Դա կլինի, իհարկե, մինչև արտահերթ խորհրդարանական ընտրությունները, որովհետև նոր ԱԺ–ում գործարարներ չեն լինելու: Իսկ եթե չեն լինելու, ապա նրանց մի քանի ամսվա քաղաքական կյանք է մնացել և չեն ուզում այդ ընթացքում կոնֆլիկտի մեջ մտնել վարչապետի հետ, ում հսկողության տակ են թե՛ ՊեԿ–ը և թե՛ այլ կառույցներ: Իհարկե, նրանց դրսևորումները կախված են վարչապետի գրագետ աշխատանքից: Եթե գրագետ աշխատանք վարի, չեն խոչընդոտի օրենսդրական նախաձեռնությունները, բայց եթե տեսնեն, որ վարչապետը որոշ հարցերում թուլանում է, շատ հնարավոր է, որ խմբակցությունից դուրս եկած պատգամավորները կամ նրանց 95 տոկոսը վերադառնա խմբակցություն: Բայց անգամ եթե վերադառնան, նրանք ապագա չեն ունենալու, որովհետև ՀՀԿ–ն ապագա չունի: ԲՀԿ–ն, «Ելք» դաշինքն ու մյուսները կարող են հաղթել արտահերթ խորհրդարանական ընտրություններում կամ զգալի տեղ ունենալ խորհրդարանում, բայց ՀՀԿ–ն ապագա չունի: Հանրապետականն արդեն ամեն ինչ է զիջել: ՀՀԿ–ում մնալն անիմաստ է դառնում` հատկապես երբ խոշոր գործարար ես»,–եզրափակեց մեր զրուցակիցը:

Շարունակությունը՝ «Փաստ» օրաթերթի այսօրվա համարում