Ամենաշատ անբավարարը` ռուսերենից. «Փաստ»

«Փաստ» օրաթերթը գրում է.

Ընդունելության քննությունների առաջին փուլն ավարտվեց: Գնահատման և թեստավորման կենտրոնի արտաքին համագործակցության բաժնի պետ Վարդան Պարսայանը «Փաստ»–ին է տրամադրել բոլոր առարկաների արդյունքները: 

Առաջինն աշխարհագրությունն է, որից քննություն է հանձնել 136 դիմորդ: Առարկայից ստացած միջին միավորը 13,49–ն է, անբավարար է ստացել 11 դիմորդ (8%), 20 միավոր` 4–ը, 19–20 միավոր` 14 դիմորդ (10,29 %): «Կենսաբանության քննությանը մասնակցել է 578 դիմորդ, միջին միավորը` 14,3, անբավարար է ստացել 84 (14,5 %), 20 միավոր` 43, իսկ գերազանց` 134 (23,18%) դիմորդ: Համաշխարհային պատմության քննությանը մասնակցել է 38 դիմորդ, միջին միավորը` 12,53 է, անբավարար է ստացել 3 (8%), 20 միավոր` 1, 19–20` 5 (13,16%) դիմորդ: Ֆիզիկայի քննությանը 882 դիմորդ է մասնակցել, միջին միավորը`11,44 է: Անբավարար  է ստացել 233 (26,42%), 20 միավոր` 25, 19–20 միավոր` 88 (10%) դիմորդ: Հայոց լեզու և գրականություն առարկայից քննություն է հանձնել 2402 դիմորդ: Միջին միավորն է 12,63–ը, անբավարար է ստացել 313 (13,03 %), 20 միավոր` 24, 19–20` 192 (7,99%) դիմորդ»,–ասաց Վ. Պարսամյանը:

Նա հայտնեց, որ մաթեմատիկայի քննությանը մասնակցել է 2304 դիմորդ, առարկայի միջին միավորը 11,88–ն է:

«Մաթեմատիկայից անբավարար է ստացել 359–ը (15,58%), գերազանց` 42–ը, 19–20 միավոր` դիմորդների 5, 99 %–ը: Անգլերենի քննությանը մասնակցել է 1948 դիմորդ, միջին միավորը 14,45–ն է, անբավարար է ստացել 191 (9,8%), 20 միավոր` 138, 19–20 միավոր` 241 (12,37%) դիմորդ: Հայոց պատմությանը մասնակցած 652 դիմորդներից 103–ը` 15,8%–ը, անբավարար է ստացել: 20 միավոր է ստացել 25, 19–20 միավոր` 84 (12,88%) դիմորդ: Քիմիա առարկայի քննությանը մասնակցած 476 դիմորդներից էլ անբավարար է ստացել 97–ը (20,38%), 20 միավոր` 23, 19–20 միավոր`104 (21,85%) դիմորդ: Ռուսերենի քննություն է հանձնել 221 դիմորդ, որոնցից 62–ն` 28 %–ը, անբավարար է ստացել: Այս առարկայից 20 միավոր չկա, 19–20` 2 (0,9%)դիմորդ»,–ասաց նա:

Վարդան Պարսամյանը շեշտեց`ոչ թե ուսանողների, այլ անբավարար գնահատականների ընդհանուր քանակը 1025 է:

Նրանից հետաքրքրվեցինք` արտագրությունների դեպքեր գրանցվե՞լ են:

«Հեռախոսից օգտվելու 1 կամ 2 դեպք է եղել: Ինչ–որ մեկը դուրս է եկել, իր պատասխանները գրել և նամակով ուղարկել  է նրանց, իսկ նրանք էլ փորձել են արտագրել: Հեռախոսի մեջ պատասխաններն են եղել»,– պատասխանեց մեր զրուցակիցը:

Շարունակությունը՝ «Փաստ» օրաթերթի այսօրվա համարում