«Շտիգեն Քիդս» խորագրով մեծածավալ կրթական ծրագիրը մեկնարկեց

Հայաստանում արևային էներգետիկայի ոլորտի առաջատար կազմակերպություններից մեկը՝ «Շտիգեն» ընկերությունն այսօր Լոռու մարզի «Քոաֆ սմարտ» կենտրոնում սկսեց «Շտիգեն Քիդս» խորագրով մեծածավալ ուսուցողական ծրագիրը: Ծրագրին մասնակցելու էին հրավիրվել ԱՏՁՄ-ի Արմաթ լաբորատորիաների և ՔՈԱՖ ՍՄԱՐՏ կենտրոնի 12-16 տարեկան երեխաները։ «Շտիգեն Քիդս» ծրագիրը բաղկացած է տեսական և գործնական մասերից: Դասընթացը տեսաձայնագրվել է, և հետագայում ձայնագրությունների հիմքի վրա կստեղծվի «Վերականգնվող էներգետիկայի հիմունքներ» կուրսի առցանց տարբերակը՝ Հայաստանի, Արցախի հեռավոր համայնքների, ինչպես նաև Սփյուռքում ապրող հայ երեխաների համար:

Ծրագիրը, մի փոքր ավելի մանրամասն ներկայացրեց «Շտիգեն Քիդս»նախագծի ղեկավար Անի Աղաջանյանը: «Դասընթացը ոչ միայն վերաբերվում էր արևային էներգիային, այլև վերականգնվող էներգիայի մյուս հատվածներին: Ընդ որում, շեշտը դրել ենք վերականգնվող էներգիայի այն աղբյուրների վրա, որոնք լուրջ ապագա ունեն Հայաստանում»։ «Շտիգեն Քիդս» կրթական ծրագիրը, բացի վերականգնվող էներգետիկայի դասընթացից, ունի նաև գործնական հատված: Մրցութային կարգով կձևավորվեն խմբակներ, որում ընդգրկված երեխաները երկրորդ փուլում հնարավորություն կունենան պատրաստել արևային ֆոտովոլտային վահանակներ և ինքնաշեն ջրատաքացուցիչներ: Երեխաները մեր ապագան են, իսկ վերականգնվող էներգետիկան Հայաստանի, Արցախի և ընդհանրապես աշխարհի էներգետիկայի: «Շտիգենում» մենք որոշեցինք «ընկերացնել» այս երկու ապագաները։ Ասում են, լավագույն ընկերները հասուն կյանք են «տեղափոխվում» մանկությունից։ Այդ իսկ պատճառով մենք որոշեցինք , որ մանուկներն, ովքեր կունենան վերականգնվող էներգետիկայի մասին բավարար գիտելիքներ, ավելի ճիշտ կկողմնորոշվեն ապագայում և կկայացնեն ռացիոնալ որոշումներ։

«Շտիգեն» ընկերության հիմնադիր-տնօրեն, արևային էներգետիկայիփորձագետ Հայկ Շեկյանն էլնշեց, որ երեխաների հետ աշխատանքն իրենց համար նորություն չէ: Նման մոտեցման փորձ արդեն ունեն, տեսել են երեխաների հետաքրքրությունը և համոզված են, որ այս նախաձեռնությունը հաջողություն է ունենալու:

«Պատկերացրեք, 14-15 տարեկան տղան արևային վահանակ է հավաքում: Մենք այդ հնարավորությունները կտանք երեխաներին և կտրամադրենք անհրաժեշտ գործիքները: Վերջում երեխաների այդ աշխատանքը կգնահատենք: Միջազգային փորձն է ցույց տալիս, որ սա երեխաների շրջանում հետաքրքրություն առաջացնելու լավագույն ճանապարհն է», -ասաց «Շտիգեն» ընկերության տնօերն Հայկ Շեկյանը: Երեխաների աշխատանքները կգնահատվեն և կներկայացվեն «ԴիջիԹեք» ցուցահանդեսում: Կտրվեն խրախուսական
մրցանակներ: Մեր հիմնական նպատակն է երեխաների միջոցով ավելի հասանելի դարձնել տեխնոլոգիաները»։

Առաջիկայում նախատեսվում է դասընթացներ անցկացնել այլ մարզերում: