Հրշեջ-փրկարարները մարել են խոտածածկ տարածքներում բռնկված հրդեհները

ՀՀ Արտակարգ իրավիճակների նախարարության փրկարար ծառայության Ճգնաժամային կառավարման ազգային կենտրոնում օգոստոսի 3-4-ն ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ: 

Ինչպես «Արմենպրես»-ը տեղեկացավ նախարարության կայքից, մասնավորապես՝ Երևան քաղաքի Ազատամարտիկների փողոցի տներից մեկի մոտակայքում այրվել է 1000 քմ խոտածածկ տարածք, Մուշավան թաղամասի գերեզմանատան մոտակայքում՝ մոտ 3000 քմ, Գ. Արշակունյաց պողոտայում՝ Կոմիտասի անվան պանթեոնի տարածքում` մոտ 700 քմ, Մահարու փողոցի վերջնամասում` մոտ 500 քմ, Չարենցի փողոցում՝ Վազգեն Սարգսյանի անվան Հանրապետական մարզադաշտի մոտակայքում՝ մոտ 400 քմ, Մուշավանի ամառանոցներում՝ մոտ 3 հա, Չեխովի փողոցում՝ Միկա մարզադաշտի մոտակայքում՝ մոտ 900 քմ, Տավուշի մարզի Լուսահովիտ գյուղի սկզբնամասում՝ 5000 քմ, Բերդավան բնակավայրի «Ղարաբուլաղ» կոչվող հանդամասում՝ մոտ 4 հա, Արագածոտնի մարզի Շամիրամ գյուղում՝ 7000 քմ, Դավիթաշեն գյուղի 3-րդ փողոցի թիվ 21 տան հարակից տարածքում՝ մոտ 3000 քմ, Կոտայքի մարզի Նոր Գեղի գյուղի Նալբանդյան փողոցում՝ 4500 քմ, Բալահովիտ գյուղի գերեզմանատան տարածքում՝ մոտ 200 քմ, Ակունք գյուղի Պողոս Պետրոս եկեղեցու մոտակայքում հնձած գարու արտ (մոտ 5 հա) և կուտակված ծղոտ (մոտ 40 հատ), Գեղարքունիքի  մարզի Մեծ Մասրիկ գյուղի մոտակայքում՝ 15 000 քմ, Էջմիածին-Մարգարա ավտոճանապարհի 3-րդ կմ-ի աջակողմյան հատվածում՝ մոտ 800 քմ, Վայոց ձորի մարզի Եղեգնաձոր քաղաքի Նորավան թաղամասի թիվ 20/1 հասցեի մոտակայքում՝ մոտ 200 քմ, Սյունիքի մարզի Վաղատնի գյուղի մոտակայքում՝ մոտ 4000 քմ մրգատու այգի, մոտ 3 հա հնձած ցորենի դաշտ, մոտ 1 հա չհնձած գարի և մոտ 6 հա, Երասխ-Երևան ավտոճանապարհին` Բուրաստան գյուղի մոտակայքում՝ 300 քմ, Օձուն-Այգեհատ ավտոճանապարհի 2-րդ կմ-ին՝ մոտ 1.5 հա խոտածածկ տարածք: 

Բոլոր հրդեհները հրշեջ-փրկարարները մեկուսացրել են և մարել: