ՀՀԿ-ից դուրս գալու որոշումը կայացրել եմ, երբ համարեցի, որ կրթության ոլորտի ներկայացուցիչը պետք է զերծ մնա կուսակցական պատկանելիությունից. Աննա Ստեփանյան (տեսանյութ)

Երևանի քաղաքապետարանի հանրակրթության վարչության պետ Աննա Ստեփանյանը համամիտ է, որ դասագրքերում պետք է փոփոխություններ կատարել, քանի որ պատմությունը ժամանակ առ ժամանակ փոփոխվում է:

«Ինչ վերաբերում է դասագրքերի, առարկաների թոթափմանը, դա ևս շատ նպատակային է, և կարծում եմ, որ լուրջ փոփոխություններ անհրաժեշտ են ընդհանրապես կրթական գործընթացում»,- լրագրողների հետ զրույցում ասաց նա:

Հարցին, թե կո՞ղմ է եղել հեղափոխությանը, նա նշեց, որ յուրաքանչյուր հեղափոխություն ունի իր դրական կողմերը, և պետք է նայել ու քայլել առաջ:

Ինչ վերաբերում է ՀՀԿ-ի ժամանակ իր նշանակմանը, Աննա Ստեփանյանն ասաց. «Անկախ նրանից, թե որ իշխանության օրոք ես իրականացնում քո գործունեությունը, դու ունես նպատակ, աշխատանք»,- ասաց նա:

Ստեփանյանը գնահատական չտվեց, թե որ իշխանությունն է ավելի արդյունավետ կատարում կրթության ոլորտում աշխատանքները:«Ես համամիտ եմ ԿԳ նախարարի վերաբերմունքի հետ, որ կրթությունը պետք է լինի ապաքաղաքական: Ես անկուսակցական եմ և այս պահին համարում եմ, որ կրթության ոլորտի յուրաքանչյուր ներկայացուցիչ պետք է զերծ մնա կուսակցական պատկանելիությունից»,- ասաց նա և նշեց, որ երբ այդ որոշումը կայացրել է, դուրս է եկել ՀՀԿ-ից: Նա չցանկացավ կոնկրետ ասել, թե երբ է դուրս եկել «Հանրապետական» կուսակցությունից