Շուրջ մեկ ամսից կգործարկվի ՀՀ սփյուռքի նախարարության նոր կայքէջը

Շուրջ մեկ ամսից կգործարկվի ՀՀ սփյուռքի նախարարության նոր կայքէջը, որը կլինի նոր ոճով, առավել ներկայանալի և մատչելի օգտագործման համար: Այս մասին նախարար Մխիթար Հայրապետյանը տեղեկացնում է իր ֆեյսբուքյան էջում:

«Սիրելի՛ հայրենակիցներ,

Ուրախ եմ ձեզ տեղեկացնել, որ շուրջ մեկ ամսից մենք կգործարկենք սփյուռքի նախարարության նոր կայքէջը (http://www.mindiaspora.am/): Այն կլինի նոր ոճով, առավել ներկայանալի և մատչելի օգտագործման համար: Հատկապես կարևորում եմ այն հանգամանքը, որ մեր հայրենակիցները հատուկ առանձնացված բաժնի միջոցով կկարողանան ծանոթանալ ՀՀ սահմանադրությանը, գործող օրենքներին, վարչապետի, կառավարության և սփյուռքի նախարարի որոշումներին ու հրամաններին, տեղեկացված կլինեն օրենսդրական նոր փոփոխությունների մասին: Հայաստանյան օրենսդրական դաշտի ոչ բավարար իմացությունը մեր հայրենակիցներից շատերի համար հայրենադարձվելու, ինչպես նաև ներդրումներ անելու հարցում խոչընդոտ է առաջացնում, ինչն էլ այս քայլով փորձում ենք մասամբ 

Կարծում եմ՝ կհամաձայնեք, որ նախարարության նոր կայքում անհրաժեշտ է ունենալ նաև հաճախ տրվող հարցերի վերաբերյալ առանձնացված բաժին, որն ամբողջական տեղեկատվություն կտրամադրի այցելուներին, հնարավորություն տալով նաև հարցի պատասխանը գտնել կայքում որոնման կամ համակարգում արդեն իսկ առկա պատասխանների 

Իսկ հիմա ամենակարևորի մասին: Կայքում ներդրված հատուկ պատուհանի շնորհիվ հնարավոր կլինի հարցն ուղղել նախարարության համապատասխան աշխատակցին և ստանալ համապարփակ պարզաբանում, իսկ եթե հարցերը պահանջում են նեղ ոլորտային մեկնաբանություն, մեր մասնագետները հարցատուին կտրամադրեն այլ կոնտակտային տվյալներ կամ կուղղորդեն՝ հարցի առանձնահատություններով պայմանավորված: Կլսենք նաև մեր հայրենակիցների առաջարկները, ավելի խորքային պատկերացում կկազմենք նրանց կարիքների վերաբերյալ: Եվ այս ամենը՝ ամենժամյա գրաֆիկով, բարձր պատասխանատվության զգացումով ու ժպիտով:

Այսպիսով, մեր նպատակն է դառնալ ավելի հասանելի աշխարհի յուրաքանչյուր երկրում ապրող յուրաքանչյուր սփյուռքահայի համար: Սա շարունակական ընթացք է և, իհարկե, նախարարության ամենագլխավոր առաքելություններից մեկը»,- ասված է նախարարի գրառման մեջ: