Հրշեջ-փրկարարները մարել են խոտածածկ տարածքներում բռնկված հրդեհները

ՀՀ ԱԻՆ ՓԾ Ճգնաժամային կառավարման ազգային կենտրոնում սեպտեմբերի 11-12-ը ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ: Այս մասին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից:

Մասնավորապես՝ Երևան քաղաքի Վարդաշենի 3-րդ փողոցի թիվ 2 հասցեում այրվել է մոտ 3000 քմ խոտածածկ տարածք, Բաբաջանյան փողոցի թիվ 3/1 հասցեում գտնվող պահեստների մոտակայքում՝ մոտ 4000 քմ, Տիգրան Մեծի պողոտայի թիվ 38 շենքի մոտակայքում՝ մոտ 3000 քմ, Լեփսիուսի փողոցի թիվ 6 հասցեում՝ մոտ 300 քմ, Երևան-Սևան ավտոճանապարհի 19-րդ կմ-ին գտնվող «Պիկնիկ» ռեստորանի մոտակայքում՝ 2000 քմ, 30-րդ կմ-ի մոտակաքում՝ մոտ 1000 քմ, Կոտայքի մարզի Եղվարդի պոմպակայանի մոտակայքում՝ 6 հա, Կնունյանց փողոցում` մոտ 12 հա խոտածածկույթ և ջերմահարվել` 30 պտղատու ծառ, Արզնի գյուղի ջրամբարի տարածքում՝ մոտ 2000 քմ խոտածածկույթ և ջերմահարվել՝ 50 դեկորատիվ ծառ, Պտղնի գյուղում՝ մոտ 1 հա, Գեղաշեն գյուղում՝ մոտ 1.5 հա, Ֆանտան գյուղի գերեզմանատան մոտակայքում՝ մոտ 15 հա, Նոր Գեղի-Եղվարդ ավտոճանապարհի 2-րդ կմ-ի մոտակայքում՝ 200 քմ, Բյուրեղավան-Արզնի ավտոճանապարհին՝ մոտ 7 հա խոտածածկույթ և ջերմահարվել՝ 30 ծառ, Վայոց ձորի մարզի Գոմք բնակավայրում՝ 18 հա բուսածածկույթ, Սյունիքի մարզի Քաջարան քաղաքի Զանգեզուրի պղնձամոլիբդենային կոմբինատի մոտակայքում՝  5 հա խոտածածկ տարածք, Եղեգ գյուղի մոտակա անտառում՝ մոտ 30 հա, Չափին գյուղում՝ մոտ 6 հա խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: