Գեղարքունիքի մարզում անցկացվեց ասմունքի հանրապետական փառատոնի մարզային փուլը

 Գեղարքունիքի մարզի Մարտունի քաղաքի թիվ 2 հիմնական դպրոցի դահլիճում կայացած ասմունքի հանրապետական 9-րդ փառատոնը, որն անցկացվում է ՀՀ վարչապետ Հովիկ Աբրահամյանի հովանավորության ներքո, նվիրված էր հայ  անվանի բանաստեղծներ Վահագն Դավթյանին եւ Գեւորգ Էմինին: Փառատոն ը պետք է ի հայտ բերեր Գեղարքունիքի մարզի հանրակրթական հաստատությունների  այն յոթ հաղթողներին, ովքեր այս տարեվերջին մարզը կներկայացնեն մայրաքաղաքում անցկացվող եզրափակիչ փուլում: Մրցութային գնահատող հանձնաժողովը ներկայացված էր հանրաճանաչ հեղինակային կազմով` նախագահ` Մարիետա Մակարյան, անդամներ` կինոյի եւ թատրոնի դերասաններ  Գուժ Մանուկյան, Սիլվա Յուզբաշյան, Հարություն Մովսիսյան, Անի Քոչարյան, մանկավարժներ Աիդա Ղազարյան, Հասմիկ եւ Անահիտ Դավթյաններ,  ՀՀ ԱԺ պատգամավոր Տաճատ Վարդապետյան, Գեղարքունիքի մարզպետարանի աշխատակազմի Ô �ՄՍ վարչության կրթության բաժնի վարիչ Համբարձում Սաֆարյան:

Փառատոնի մասնակից  ասմունքողները, նրանց ծնողները եւ ուսուցիչները բուռն ծափահարություններով դիմավորեցին հայ անվանի բանաստեղծ Վահագն Դավթյանի դուստրերին` Հասմիկին եւ Անահիտին: «ՀՀ վարչապետ Հովիկ Աբրահամյանի հովանու ներքո անցկացվող փառատոնն առաջին տարում Հայաստանի եւ Արցախի դպրոցներում ունեցավ ընդամենը 3 հազար մասնակից, իսկ ահա ութերորդ տարում արդեն ապահովել է 220 հազար մասնակից: Մենք այս փառատոնը նվիրել ենք այնպիսի հեղինակների, ովքեր անարդարացիորեն դուրս են մնացել դպրոցական ուսումնական ծրագրերից, սակայն մեծ հետք են թողել հայ գրականության մեջ»,-բացման խոսքում նշեց Մարիետա Մակարյանը:

 Մրցանակային յոթ տեղերը տարիքային երկու խմբերում վիճարկում էին տարածքային փուլը հաղթահարած 37 դպրոցականներ, ովքեր մեկական բանաստեղծություն էին ներկայացնում  Վահագն Դավթյանի եւ Գեւորգ Էմինի ստեղծագործություններից: Հանձնաժողովի գնահատման արդյունքներով` 11-14 տարեկանների խմբում առաջին երեք տեղերը գրավեցին Մարտունու թիվ 2 հիմնական դպրոցի աշակերտներ Օվսաննա Պողոսյանը , Անահիտ Ժամհարյանը եւ Սարուխանի թիվ 1 հիմնական դպրոցի աշակերտ Մերի Բունիաթյանը, 15-17 տարիքային խմբում` Մարտունու ավագ դպրոցի աշակերտ Սեյրան Սողոյանը, Գեղհովիտի թիվ 2 միջնակարգ դպրոցի աշակերտ Հայկուշ Վարդանյանը եւ Լճաշենի միջնակարգ դպրոցի աշակերտ Մերի Ղարիբյանը: Կրտսեր մասնակիցներից փառատոնի եզրափակիչ փուլին մասնակցելու իրավունք նվաճեց Մարտունու թիվ 1 հիմնական դպրոցի աշակերտ Նառա Ավետիսյանը:Լրացուցիչ մեկ ուղեգիրը բաժին հասավ Կարմիրգյուղի թիվ1 միջնակարգ դպրոցի աշակերտ Շուշան Ջրաղացպանյանին:

«Փառատոնի ծննդյան օրվանից  ես անդամակցում եմ գնահատող հանձնաժողովին: Սա այն պատվելի առիթն է, որի միջոցով առնչվում եմ հայ պոեզիայի անավոր դեմքերի ստեղծագործությունների, գրականությունը սիրող ու գնահատող մարդկանց հետ: Գեղարքունիքի մարզը քանիցս ապացուցում է, որ ունի հայ պոեզիան սիրող ու գնահատող շատ մարդիկ: Այստեղ հաղթող ու պարտվող չկա, հաղթել են հայ բառն ու բանը, ոսկեղենիկ հայոց լեզուն»,-ներկաներին դիմեց Տաճատ Վարդապետյանը: «Այսօր առավել հուզիչ ակնթարթներ ապրեցի, երբ աշակերտների շուրթերից այնքան մաքուր ու սահոÖ �ն հնչում էին հայրիկիս` Վահագն Դավթյանի ստեղծագործությունները: Ինձ համար հայտնություն էր, որ հեռավոր ու սահմանամերձ, համեմատաբար դժվարին կյանքով ապրող գյուղերի երեխաները անգիր գիտեն հորս հեղինակած բարձրարվեստ, բայց խրթին բանաստեղծությունները, բեմից հանդես են գալիս համարձակ ու անկաշկանդ»,- նշեց Վահագն Դավթյանի դուստր Հասմիկ Դավթյանը:

«Տարեցտարի նկատվում է փառատոնի որակական կողմի բարձրացում, մասնակիցները ներկայացնում են ավելի բարձրարվեստ կատարումներ, հեղինակների ավելի բազմազան ու այնպիսի ստեղծագործություններ, որոնք չկան ուսուցողական ծրագրերում»,-նշեց հանձնաժողովի նախագահ Մարիետա Մակարյանը:«Այսօր մենք գրականության, մեր բանաստեղծական արվեստի երկու մեծություններին նվիրված անկրկնելի տոնական տրամադրություն ապրեցինք: Շատ հաճելի էր լսել ոչ միայն մեր մեծերի բառն ու բանը, այլ հպարտանալ այն մտքից, որ մեր դպրոցական երեխաները ցույց են տալիս նման սեր ո ւ նվիրում դեպի հայ գրականությունը, տիրապետում մաքուր ու հղկված հայերենին: Համոզված եմ, որ, անկախ մրցույթի արդյունքներից, յուրաքանչյուր աշակերտ այս օրվանից բաժանվում է անջնջելի տպավորություններով»,-նշեց դերասան Հարություն Մովսիսյանը: