«Նրան տեսնելուն պես հասկացա, որ սիրում եմ, նա է այն միակը, ում փնտրում էի». Արմենչիկի գեղեցիկ ընտանիքը. լուսանկարներ

Past.am-ը ներկայացնում է ամերիկաբնակ հայ երգիչ Արմենչիկին` իր գեղեցիկ ընտանիքով:

Բոլորիս կողմից սիրված ու ճանաչված երգիչ Արմենչիկը ամուսնացել է 2010 թվականին: Նրա ընտրյալը մոսկվայաբնակ Լուսինե Մանուկյանն է:

 «Ես եւ կինս` Լուսինեն, ծանոթացել ենք 2009 թ-ի  դեկտեմբերի 21-ին Մոսկվայում: Նա արդեն տասնյոթ տարի էր` բնակվում էր այնտեղ: Ծնողները երեւանցի են: Հենց սկզբից շեշտեմ, որ կինս ռուս չէ. բոլորը կարծում են, թե կինս այլազգի է, բայց այդպես չէ: Երբ մեկնել էի Մոսկվա համերգի, նա համերգի նախաձեռնողներին օգնում էր կազմակերպչական գործերում: Մեր առաջին ծանոթությունը հենց այդտեղ էլ կայացավ եւ, ինչպես ասում են, լինելու բան էր, պիտի լիներ»: 

Կնոջ մասին խոսելիս միշտ հիացմունքով է արտահայտվում: Հարցազրույցներից մեկի ժամանակ նա նշել է.

«Կինս 27 տարեկան է, Մոսկվայում է ուսանել. երկու բուհ է ավարտել` մասնագիտանալով տարբեր մասնագիտություններում: Նա իսկական հայուհի է: Հրաշալի ու լավ մարդ, անչափ բարի. եթե ըտրել եմ, ուրեմն հրաշալի մարդ է»:

Այժմ Լուսինեն զբաղվում է որդու խնամքով ու դաստիարակությամբ,զուգահեռ նաեւ սովորում է: Մոսկվայում ստացած կրթությամբ տնտեսագետ-մարկետոլոգ է:

 

«Լուսինեն իմ երգարվեստի երկրպագուն չի եղել, եւ այդ հանգամանքը մեր միասնության մեջ ոչ մի դերակատարում չի ունեցել, նա ուղղակի լսել էր մի քանի երգ եւ վերջ»:

Զույգն արդեն վայելում է ծնողական սիրո բերկրանքը: Արմենչիկի որդին` Մայքլը, արդեն 2 տարեկան է: