Հայկական լրատվական կայքերի լավագույն հնգյակը՝ ըստ IRI-ի. News.am, Azatutyun.am, 1in.am, ԼՈւՐԵՐ.com, Mamul.am

«Փաստ» օրաթերթը գրում է.

Հայաստանում իրականացված թավշյա հեղափոխությունից հետո հեղինակավոր IRI միջազգային հանրապետական ինստիտուտի հետազոտությունների կենտրոնը տարատեսակ հարցումների և հետազոտությունների միջոցով փորձել է պարզել երկրի ապագայի և վարչապետ Փաշինյանի կառավարության նկատմամբ Հայաստանում տիրող համընդհանուր տրամադրությունները:

Հետազոտության ենթաբաժիններից մեկն էլ վերաբերել է հայկական մեդիա դաշտին:

IRI–ը հարցում է անցկացրել շուրջ 1.000 մարդու շրջանում` պարզելու համար, թե ռեսպոնդենտները նորություններին ծանոթանալու նպատակով ավելի հաճախ որ կայքերին են հետևում:

Տվյալները հավաքագրվել են 2018 թվականի հուլիսի 23–ից մինչև օգոստոսի 15–ը առանձին–առանձին հարցազրույցների միջոցով: 

Հարցման համար ընտրվել է ներկայացուցչական ընտրանք՝ ըստ սեռի, տարիքի և բնակության վայրի: Հարցումների ճշգրտությունը տատանվում է 2 տոկոսի սահմաններում: Հարցումն անցկացվել է համացանցի օգտատերերի շրջանում, որոնց հնարավորություն է տրվել նշել երեք նախընտրած տարբերակ: Ցուցակը գլխավորում է News.am– ը, 2–րդ տեղում Azautyun.am–ն է, 3– րդում՝ 1in.am–ը, 4–րդում՝ Lurer.com–ը: Հնգյակը եզրափակում է Mamul.am–ը: 

Հարցումը ֆինանսավորվել է ԱՄՆ Միջազգային զարգացման գործակալության կողմից: 

Հ.Գ. Հետազոտության սանդղակում նշված է Lurer.am և Shamshyan.am, բայց այս երկու կայքերն էլ գործում են .com տիրույթում իսկ .am տիրույթում կայքեր չեն գործում: