Հայաստանը կարող է դառնալ կամուրջ ԵԱՏՄ-ի և Եվրամիության միջև. երկիրը գրավիչ է ներդրումների համար

Եվրասիական տնտեսական միությանն անդամակցելով՝ Հայաստանը կարող է դառնալ կամուրջ ԵԱՏՄ-ի  և Եվրամիության միջև: Այս մասին հայտարարեց ՀՀ էկոնոմիկայի նախարարի տեղակալ Էմիլ Տարասյանն` Ազգային ժողովում ներկայացնելով այն ուղղությունները, որոնք կարող են գրավիչ լինել օտաերկրյա ներդրողների համար: «Այսօր եվրոպական երկրների  հետ գնում են բանակցություններ այդ ուղղությամբ, որպեսզի Հայա ստանը լինի կամուրջ այդ երկու միությունների միջև: Եվ, ուսումնասիրելով մեր ներդրումային միջավայրը, այն ենթակառուցվածքը, որը մենք կունենանք 2016 թվականին, հասկանալի է դառնում, որ մենք ունենք բոլոր հնարավորություններն այս առումով»,- մանրամասնեց փոխնախարարը:  

Նա Հայաստանում ներդրումներ ներգրավելու լավ հնարավորություն է համարում ԵՄ-ի հետ առևտրի  GSP+ համակարգի առկայությունը: «Այս դեպքում հնարավոր կլինի Եվրասիական տնտեսական միության արտադրանքը արտոնյալ պայմաններով արտահանել Եվրամիության անդամ երկրներ: Սա նույնպես ներդրումների առավելություն է»,- ասաց Տարասյանը:

Ազգային ժողովում ՀՀ 2016թ. պետական բյուջեի նախագծի քննարկման ժամանակ փոխնախարարն ընդգծեց, որ ներդրումներ ներգրավելու ՀՀ կառավարության ծրագրերն ուղղված են ինովացիոն, գիտատար ուղղություների  զարգացմանը: «Դրահամար լուրջ նախադրյալներ կան, և գործարար միջավայրը, բոլոր ենթակառուցվածքները, որոնք կան այս ուղղությամբ, այսօր բավականին առաջարդիրքերում են՝ համեմատած մեր հարևան երկրների հետ: Այն ենթակառուցվածքները, որ մենք ունենք տեխնոլոգիական զարգացման ապահովմանհամար, այն արտոնությունները, որը մենք տրամադրում ենք տեղեկատվական տեխնոլոգիաների ստարտափերի համար, դա առավելություն է, որըչունեն մեր հարևան երկրները: Եվ նմանատիպ գիտատար ուղղությունների զարգացման առումով Հայաստանը դրական, ներդրումների համար դաշտապահովող միջավայր կարելի է դիտել»,- նշեց փոխնախարարը:

Տարասյանը հավելեց նաև, որ այն ազատ տնտեսական գոտիները, որ ունի Հայաստանը, նույնպես գիտատար և ինովացիոն հենքի վրա արտադրություն կազմակերպելու բոոր պայմաններն ապահովում են:

Նա հավելեց, որ կարելի է շատ երկար խոսել Հայաստանում ներդրումային առավելությունների մասին՝ ընդունելով, որ պարզապես իրազեկման խնդիր կա: «Մենք պետք է բոլոր հնարավոր ձևերով և հարթակներով իրազեկում իրականացնենք, որպեսզի կարողանանք ներդրողներ ներգրավել».- եզրափակեց փոխնախարարը: