Instagram-ի 5 ամենահայտնի աղջիկները

ԼԱՅՖ 9 Նոյեմբեր, 2015 21:20

Wnews.am-ը գրում է.

Եթե դեռ կարծում եք, որ նորաձևությունը թելադրում են դիզայներները, ապա սխալվում եք: Մեր օրերում նրանց հավասար, անգամ առավել շատ երկրպագուներ ու հետևորդներ ունեն սովորական աղջիկները՝ նորաձևության բլոգերները, ովքեր վառ և իրենց կյանքի իրական նկարների շնորհիվ նորաձևություն են ստեղծում:

Wnews.am-ն առանձնացրել է Instagram-ի 5 ամենահայտնի fashion աղջիկներին:

@chiaraferragni Ինստագրամում այս շիկահեր իտալուհուն հետևում է 2,5 մլն մարդ: Կյարա Ֆերանին աշխարհի ամենահայտնի նորաձեւության բլոգերն է: Իր Instagram-ում բացի իր սեփական look-ից, նա կիսվում է իր քույրերի, սիրելիի լուսանկարներով: Նա անընդհատ ճանապարհորդում է և դրանց մասին նույնպես գրում է Instagram-ում: Բացի այդ,նրա էջում կարող եք օնլայն հետևել ամենահայտնի նորաձևության ցուցադրույթուններին, որոնց միշտ ներկա է լինում Կիարան: TheBlondeSalad բլոգի հիմնադիրի բոլոր լուսանկարները նկարում է իր սիրելին, ով մասնագիտությամբ լուսանկարիչ է:

@classisinternal Սոնյա Եսմանն ամենահայտնի ռուս բլոգերն է աշխարհում: Նրա հետևորդների թիվն անցնում է 1 մլն-ը: «Ամեն օր ես փորձում եմ ապրել մաքսիմում պոզիտիվ, ես ստանում եմ այն, ինչ կարող եմ ստանալ և ես չգիտեմ, թե որտեղ կհայտնվեմ վաղը, դա ինձ դուր է գալիս»,- գրում է նա: Սոնյաի էջում բացի իր look-ից կարող եք գտնել նաև տեսանյութեր՝ իր մասնակցությամբ: Այս աղջիկը նաև Youtube-ի ամենահայտնի բլոգերներից է:

@kenzas. Շվեդուհի Կինզան 2013թ-ին ընդգրկվել է Շվեդիայի ամենահարուստ բիզնեսմենների ցանկում: Իսկ նրա բիզնեսն իր բլոգն է: Նրա հետևորդների թիվն Instagram-ում անցնում է 1 մլն-ը: Նա տեղադրում է լուսանկարներ սպորտզալից, նկարահանումներից և իր սեփական look-երը: Կինզան հազվադեպ է տեղադրում լուսանկարներ իր սիրելիի հետ, քանի որ վերջինս դա այնքան էլ չի սիրում: Աղջկա ընկերը հայտնի գործարար է:

@tuulavintage Եթե դուք ճանապարհորդությունների , գեղեցիկ բնապատկերների սիրահար եք, ապա 2 մլն հետևորդ ունեցող այս էջը ձեզ համար է: Սիդնեյից Ջեսիկա Սթեինը ճանապարհում է աշխարհով մեկ և լուսանկարները տեղադրում Instagram-ում: Այս աղջիկը ճանապարհորդ է և նորաձևության բլոգեր: Նա եղել է աշխարհի բոլոր ծայրերում, նկարահանել ամենագեղեցիկ վայրերը: @vivaluxuryblog Գերմանուհի Աննաբելը ոճի հիանալի զգացում ունի: Նա նորաձևության բլոգեր է և ներկայացնում է նորաձև և ոճային կերպարներ իր Instagram-ում :