Life.panorama.am-ը գրում է.
Գրեթե մեկ ամիս է, ինչ դաշնակահար Կարեն Մամիկոնյանի եւ երգչուհի Անուշիկ Ալավերդյանի ընտանիքում ամեն օրը իսկական տոն է, երիտասարդ ծնողներն արդեն մեկ ամիս է վայելում են դստեր՝ Մայայի ներկայությունն իրենց ընտանիքում: Life.panorama.am-ի հետ զրույցում երգչուհին դժվարացավ նկարագրել մայր դառնալու բերկրանքը, սակայն համապատասխան բառեր գտնելու անկարողությունը արդեն իսկ վկայեց նրա կատարյալ երջանկության մասին.
«Այժմ ամեն ինչ այլ է մեր ընտանիքում: Մայայի ծնվելուց հետո մեր կյանքը, ապրելակերպը, մենք փոխվել ենք: Նա է մեզ թելադրում օրվա մեր ռեժիմը, ամեն վայրկյանը, ամեն ինչ, կարծես, աղջկաս շուրջ դասավորվի… Իհարկե, հիմա չեմ կարող նկարագրել այն բոլոր ապրումներս ու զգացողություններս, որ ունեմ նրա ծնվելուց ի վեր. ամեն ինչ նոր է, անսովոր, բայց գիտեմ մի բան, որ մենք շատ երջանիկ ենք»,- պատմեց Անուշիկ Ալավարդյանը:
Խոսելով, թե ինչպե՞ս է կարողանում նորաթուխ մայրիկը գլուխ բերել դստեր խնամքի հետ կապված դժվարությունները՝ Անուշիկը նկատեց. «Իհարկե, երբ անփորձ ես, մտահոգվում, մտածում ես, թե ինչպես պետք է վարվել, որպեսզի ճիշտ լինի: Չնայած նրան, որ մինչ բալիկիս ծնվելը շատ եմ կարդացել համապատասխան գրականություն, եւ առհասարակ, փորձել եմ ինֆորմացված լինել կապված երեխայի խնամքի հետ, բայց, այնուամենանայնիվ, հարազատների աջակցությունը լավագույն տարբերակներից է: Ինձ օգնում է թե իմ, թե Կարենի ընտանիքը»:
Անդրադառնալով դստեր անվան ընտրությանը, որի վերաբերյալ տատանումների մասին մինչ փոքրիկի ծնվելը Life.panorama.am-ին երգչուհին պատմել էր, Անուշիկ Ալավերդյանը նշեց. «Մինչ աղջկաս ծնվելը ես եւ Կարենը անընդհատ մի քանի տարբերակների շուրջ տատանվում էինք, արդյունքում վերջնական տարբերակը ընտրեց Կարենը եւ մեր դստերը անվանակաոչեց Մայա, ինչի համար ես շատ ուրախ եմ»:
Հետաքրքրվելով, թե դեռեւս մեկ ամսական Մայան արդյոք որոշակի բնավորության գծեր ցուցաբերում է, Անուշիկը նկատեց. «Դեռեւս կդժվարանամ այդ առումով որևէ բան ասել: Միայն կարող եմ նշել, որ աղջիկս շատ լուսավոր ու հանգիստ բալիկ է»:
