Մեքենաներ, երկու առանձնատուն, փոխառություններ ու դրամական միջոցներ՝ Նուբարաշեն վարչական շրջանի ղեկավարի հայտարարագրում. «Փաստ» օ

«Փաստ» օրաթերթը գրում է.

Երևանի Նուբարաշեն վարչական շրջանի ղեկավար Թելման Թադևոսյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018թ. պաշտոնը ստանձնելու հայտարարագիրը:

Ներկայացված փաստաթղթից տեղեկանում ենք, որ Թ. Թադևոսյանը հայտարարագրել է երկու առանձնատուն: Բացի այդ, հայտարարագրել է նաև «TOYOTA CAMRY 2.4», «MAZDA 6 2.5 L» մարդատար ավտոմեքենաներ, ինչպես նաև՝ «FORD TRANSIT TD 2.4» և «IZH 2717» մակնիշի բեռնատար մեքենաներ:

Պաշտոնը ստանձնելու օրվա դրությամբ Թադևոսյանի հանձնած փոխառությունները կազմել են 43000 ԱՄՆ դոլար, 40000 եվրո, 43000 եվրո, 23000000 ՀՀ դրամ, 45000 եվրո, 55000000 ՀՀ դրամ, 10000 եվրո և 3000000 ռուբլի:

Դրամական միջոցները պաշտոնը ստանձնելու դրությամբ կազմել են 4 700 000 ՀՀ րդամ, 24 700 եվրո, 550 000 ռուբլի և 3500 ԱՄՆ դոլար:

2018թ. հունվարի 1–ից մինչև պաշտոնական պարտականությունները ստանձնելու օրը արտարժույթով ստացած եկամուտը կազմել է 25 000 եվրո և 450 000 ռուբլի, իսկ ՀՀ դրամով ստացած եկամուտը՝ 440 000 ՀՀ դրամ:

Նշված եկամուտները նա ստացել է երկու տարբեր աշխատավարձերից, ինչպես նաև քաղաքացիաիրավական այլ պայմանագրերից: Թելման Թադևոսյանը 2013–2017թթ. եղել է «Գրին Վեյ Թրեվլ» ՍՊԸ–ի տնօրենը: 2016–2018թթ. աշխատել է ռուսական «ԻՑԻ ՆԻԻ Էլեկտրոմաշինոստրոենիե»–ում՝ որպես ընկերության փոխտնօրեն: Նուբարաշեն վարչական շրջանի ղեկավար է նշանակվել հոկտեմբերի 23–ին: