Ահա, թե ինչպես է տեղի ունեցել դերասանուհի Ջուլյա Սաղաթելյանի ավտովթարը (լուսանկարներ, տեսանյութ)

SHAMSHYAN.com-ի տեղեկություններով՝ հոկտեմբերի 27-ին Արագածոտնի մարզի Մաստարա գյուղի վարչական տարածքում խոշոր ավտովթարի հետևանքով ձորում հայտնված վիրավորը Ջուլյա Սաղաթելյանն է, ով դեպքի վայրից տեղափոխվել էր Թալինի վանդանոց, որտեղից էլ՝ Գյումրու բժշկական կենտրոն, իսկ հետո՝ «Էրեբունի» բժշկական կենտրոն:

Պարզվել է, որ նա դերասանուհի Ջուլյա Սաղաթելյանն է, ում ողնաշարի վիրահատության համար անհրաժեշտ է 2 մլն 500 հազար դրամ:

Ինչպես ավելի վաղ դեպքի վայրից հայտնել էր ֆոտոլրագրողը, հոկտեմբերի 27-ին խոշոր ավտովթար էր տեղի ունեցել Արագածոտնի մարզում: Ժամը 12:30-ի սահմաններում Վրաստանի Հանրապետության քաղաքացի, 23-ամյա Գուլման Պապինաշվիլին իր վարած Hօnda մակնիշի HHB 515 համարանիշի ավտոմքենայով Երևան-Գյումրի ավտոճանապարհի Մաստարա գյուղի վարչական տարածքում դեպի Երևան ընթանալիս դուրս էր եկել ճանապարհի հանդիպակաց երթևեկելի գոտի և մոտ 200 մետր գլխիվայր շրջվելով՝ գլորվելով հայտնվել ձորում:

Վթարի հետևանքով 1 հոգի մարմնական վնասվածքներով տեղափոխվել էր Մարալիկի հիվանդանոց, որտեղից էլ՝ Գյումրիի բժշկական կենտրոն: Վիրավորին ավտոմեքենայից դուրս էին բերել քաղաքացիները և Թալինի հրեջ-փրկարարական ջոկատի աշխատակիցները:

Օպերատիվորեն դեպքի վայր էին ժամանել Ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի աշխատակիցները՝ վաշտի հրամանատար Գագիկ Վարդանյանի և դասակի հրամանատար Ռաֆայել Ասրյանի գլխավորությամբ: Ժամանել էր նաև ոստիկանության Թալինի բաժնի օպերատիվ խումբը՝ անչափահասների գործերով բաժանմունքի տեսուչ Արթուր Ավդալյանի գլխավորությամբ: 

Նյութի աղբյուրը և շարունակությունն՝ այստեղ: