Հայոց բանակն է այսօր մեր երկրի անվտանգության երաշխավորը. Կարեն Ավագյան

Ամենամեծ երիտասարդական կառույցը՝ Հայոց բանակն է այսօր մեր երկրի անվտանգության երաշխավորը։ Այս մասին, շնորհավորելով երիտասարդներին Երիտասարդության համաշխարհային և Ուսանողության միջազգային օրերի առթիվ, Կարեն Դեմիրճյանի անվան մարզահամերգային համալիրում նշեց ՀՀ ԱԺ պատգամավոր, Հայաստանի երիտասարդական հիմնադրամի հոգաբարձուների խորհÖ �դի համակարգող Կարեն Ավագյանը:

«Երիտասարդներն են օգնում հասնել մեր երկրի առջև կանգնած ամենակարևոր նպատակներին։ Ոչ այլ ոք, քան 18-20 տարեկան երիտասարդն է այսօր պահպանում մեր սահմանը հակառակորդի ոտնձգություններից։ Ամենամեծ երիտասարդական կառույցը՝ Հայոց բանակն է այսօր մեր երկրի անվտանգության երաշխավորը։ Ուրեմն՝ մեր հարգանքն ու շնորհակալությունը բանակում ծառայող, սահմանին կանգնած երիտասարդին։ Մեր խորին երախտագիտությունը բոլոր այն տղաներին, ովքեր իրենց կյանքը զոհեցին հայրենիքը պաշտպանելիս։ Հավերժ փառք՝ նրանց հիշատակին»,-«Արմե նպրես»- ի փոխանցմամբ` նշեց Կարեն Ավագյանը:

Հայաստանի երիտասարդական հիմնադրամի հոգաբարձուների խորհրդի համակարգողը շեշտեց, որ երիտասարդ մասնագետներն են համակարգչի առջև ստեղծում ամենանորարար լուծումները, կառավարման համակարգում ներարկում նոր լիցքեր, ձևավորում նոր աշխատաոճ, հիմնում start-up-ներ, մարզերում արտադրում եռաչափ տպիչներ, մտածում, ռիսկի դիմում ու հաջողում։ «Երիտասարդությունը մի առանձնահատկություն էլ ունի. դեմ առ դեմ հանդիպելով մարտահրավերներին՝ չի ընկճվում։ Ընկնելով ու ոտքի կանգնելով՝ պայքարում է անգամ ճակատագրի դեմ։ Մեր երկրին հենց այդպիսի երիտասարդներ են պետք՝ պ այքարող, համառ, վճռական»,-շեշտեց նա` կոչ անելով երիտասարդներին շահագրգիռ լինել և մասնակցել քվեարկությանը և «այո» ասել սահմանադրական փոփոխություններին:

Կարեն Դեմիրճյանի անվան մարզահամերգային համալիրում նոյեմբերի 10-ին անցկացվեց Սոսո Պավլիաշվիլիի համերգը՝ նվիրված Երիտասարդության համաշխարհային և Ուսանողության միջազգային տոներին։ Իրադարձության կազմակերպիչը Հայաստանի երիտասարդական հիմնադրամն էր և ՀՀԿ Երիտասարդական կազմակերպությունը: