«Դեղին անթև բաճկոնները» Մակրոնի կուսակցության անունով գիլյոտին են տեղադրել փողոցում. նախագահը պատրաստվում է դիմել ժողովրդին (լուսանկարներ)

ՄԻՋԱԶԳԱՅԻՆ 10 Դեկտեմբեր, 2018 10:04

Նոյեմբերի 17-ից Ֆրանսիայում հակակառավարական բողոքի ակցիաներ կազմակերպող «դեղին անթև բաճկոններ» շարժման մասնակիցները փողոցում գիլյոտին են տեղադրել՝ վրան երկրի նախագահ Էմանուել Մակրոնի կուսակացության անվանումը գրած:

Ինչպես նշում է Daily Mail-ը, սա արդեն ուղղակի սպառնալիք է 40-ամյա ղեկավարին:

Հայտնի է, որ գիլյոտինը տեղադրվել է երկրի ֆինանսների նախարարի հայտարարությունից հետո, համաձայն որի բողոքի զանգվածային ակցիաներն աղետալի հետևանք կունենան տնտեսության ու զբոսաշրջության վրա:

Ցուցարարներն իրավապահների հետ բախումներից բացի հրկիզել են մեքենաներ, ջարդուփշուր արել խանութներ, ռեստորաններ ու զբաղվել վանդալիզմով:

Ակցիաների մասնակիցները պահանջում են հարկերի իջեցում, նվազագույն աշխատավարձի բարձրացում, կենսաթոշակային արտոնություններ, ինչպես նաև Մակրոնի հրաժարականը:

The Guardian-ը հավելում է, որ այսօր երկրի նախագահը մոտ երկու շաբաթ տևած լռությունից հետո պատրաստվում է ուղերձով դիմել ժողովրդին՝ նպատակ ունենալով հանդարտեցնել քաղաքացիական անհնազանդության ալիքը:

«Դեղին անթև բաճկոնների» բողոքի լայնամասշտաբ ակցիաները սկսվել են նոյեմբերի 17-ից: Իրավապահների հետ զանգվածային բախումներից, արցունքաբեր գազի կիրառումից, հարյուրավոր մարդկանց ձերբակալումից և վանդալիզմի համատարած դրսևորումից հետո նախագահ Էմանուել Մակրոնը համաձայնել էր զիջման գնալ ու հետաձգել բենզինի՝ հունվարի մեկից ծրագրված թանկացումը: Սակայն նույնիսկ այս քայլը չի բավարարել «դեղին անթև բաճկոններին», որոնց միացել են նաև ուսանողները, ինչպես նաև մեծ թվով անարխիստներ՝ երկրի տարբեր հատվածներից:

The guillotine carried the name of 'En Marche!' - the party of under-fire President Emmanuel Macron

A fireman extinguishes a burning bicycle during clashes with yellow vests protesters as part of a national day of protest by the "yellow vests" movement in Paris, France

An injured Yellow Vest rioter is arrested and held by French CRS Police after clashed with rioters at Place de la Republique in Paris on Saturday

Riot police run next to a car set on fire during a Yellow Vest protest on the Champs-Elysees avenue in Paris on Saturday