2019թ. ամանորյա ճաշացանկ. ի՞նչ պատրաստել նոր տարվա համար

մանորյա ճաշացանկը տոնական օրերի ամենահաճելի և ամենահետաքրքիր բաղադրիչներից է: Այն ասացվածքը, որ ինչպես տարին սկսես, այնպես էլ այն կանցկացնես, շատ արդիական է: Ինչքան հարուստ և բազմազան լինի Ամանորի սեղանը, այնքան ավելի բարենպաստ կլինեն հաջորդ 12 ամիսները:

2019թ. Դեղին խոզի տարի է, հենց այդ պատճառով էլ խոզի միս չի կարելի դնել սեղանին: Խոզը սիրում է համեղ ուտել, ուրախանալ, այնպես որ, այս տարին պետք է դիմավորել հարուստ սեղանով և ուրախ տրամադրությամբ:

Առաջարկում ենք ամանորյա հետաքրքիր, համեղ և յուրահատուկ մի քանի բաղադրատոմս:

Նարնջով և սալորաչրով տապակած հավ

Շատ ընտանիքներում տապակած հավն ամանորյա սեղանի գլխավոր ուտեստն է: Այն շատ հեշտ է պատրաստվում և շատ համեղ է:

Բաղադրատոմս

• 1,5-2 կգ հավ
• 1 հատ նարինջ
• 80 գ սալորաչիր
• համեմունքներ
• 2 պճեղ սխտոր
• աղ և պղպեղ

Պատրաստման եղանակը

1. Աղը, պղպեղը և համեմունքները խառնել, հավը լվանալ և չորացնել: Համեմել խառնուրդով, թողնել 30 րոպե:
2. Սև սալորաչիրը թրջել գոլ ջրով և թողնել 30 րոպե, չորացնել այն և կիսել:
3. Նարինջը կիսել, մի կեսը խորանարդիկների բաժանել, մյուս կեսը թողնել:
4. Սխտորը կտրատել:
5. Տարայի մեջ խառնել նարինջը, սխտորը և սալորաչիրը:
6. Հավը լցոնել այս խառնուրդով:
7. Դնել թավայի մեջ, եփել 170 աստիճանում 2 ժամ:

Աղցան «Տոնածառի խաղալիք»

Բաղադրատոմս

• 200 գ խոզապուխտ
• 4 հատ ձու
• 1 հատ խնձոր
• 50 գ ընկույզ
• 130 գ պանիր
• մաղադանոս
• 2 պճեղ սխտոր
• 1 հատ նուռ
• մայոնեզ
• աղ, պղպեղ

Պատրաստման եղանակը 

1. Բլենդերով հարել ընկույզը, լցնել այն տարայի մեջ, որում պետք է պատրաստեք աղցանը:
2. Խոզապուխտը երկար-երկար կտրատել, քերել պանիրը:
3. 2 ձվի դեղնուցն անցկացնել քերիչով:
4. Մաղադանոսը մանր կտրատել:
5. Խնձորը քերել:
6. Սխտորը ճզմել:
7. Ավելացնել մայոնեզ 4 ճ/գ և բոլորը մասին խառնել:

Աղցանը պատրաստ է։ Այժմ պետք է զարդարել։

Ձվի սպիտակուցը քերել քերիչով, աղցանը բլրաձև դնել հարթ տարայի մեջ, պատել մայոնեզով, վրան լցնել սպիտակուցը, շերտերով լցնել նուռը: Կարելի է դնել նաև փոքրիկ ժապավեն:

Աղցան «Ձմեռ պապ»՝ լոլիկով, պանրով և սխտորով

Բաղադրատոմս

• 4 միջին չափիկ լոլիկ
• 2-3 պճեղ սխտոր
• 170 գ պանիր
• 2 ճ/գ մայոնեզ
• պղպեղ
• նուռ

 

Պատրաստման եղանակ

1. Լոլիկների գլուխը կտրել և հանել միջուկը:

2. Պանիրը քերել, ավելացնել սխտոր, մայոնեզ և խառնել:

3. Լոլիկները լցոնել այս խառնուրդով, վերևի հատվածից կտրել եռանկյունի՝ որպես Ձմեռ պապի մորուք:

4. Կլոր պղպեղները դնել որպես աչքեր, նռերը՝ քիթ, իսկ մայոնեզից պատրաստել մորուք: Մատուցել կանաչիով զարդարված տարայով: