Հայաստանը և Վրաստանն ստուգել են արտակարգ իրավիճակներում տեղեկատվության տրամադրման շղթայի արդյունավետությունը

 

Վանաձոր քաղաքում Անդրսահմանային տարածքային համագործակցության հայեցակարգի իրականացումն ապահովող 2018-2020թթ. միջոցառումների ծրագրի շրջանակներում օրերս անցկացվեց «Ախթալայի լեռնահարստացուցիչ կոմբինատ» ՓԲԸ-ի Նահատակ պոչամբարի պատվարի վթարի դեպքում բնակչության և տարածքների պաշտպանության կազմակերպում թեմայով շտաբային ուսումնավարժությունը: Վարժանքը ղեկավարում էր ՀՀ ԱԻՆ Փրկարար ծառայության տնօրենի տեղակալ, փ/ծ գնդապետ Արտավազդ Դավթյանը:

 

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, ուսումնավարժությանը մասնակցեցին ԱԻՆ ՓԾ Բնակչության պաշտպանության և աղետների հետևանքների վերացման կազմակերպման, Փրկարարական ուժերի, Լոռու մարզային փրկարարական վարչությունների ծառայողները, ինչպես նաև Լոռու մարզպետարանի ու «Ախթալայի լեռնահարստացուցիչ կոմբինատ» ՓԲԸ-ի աշխատակիցները:

 

«Վարժանքի նպատակն էր փորձարկել արտակարգ իրավիճակի տարահանման հանձնաժողովի,  Լոռու մարզային փրկարարական վարչության միջև տարերային և տեխնածին բնույթի արտակարգ իրավիճակների կանխարգելման, դրանց հետևանքների վերացմանն ուղղված գործողությունները, ԱԻՆ ՓԾ օպերատիվ խմբերի և ուժերի պատրաստականությունը, պատրաստվածությունը բնակչության և տարածքների պաշտպանության միջոցառումների կառավարման և կատարման գործում, վթարային իրավիճակների դեպքում «Ախթալայի լեռնահարստացուցիչ կոմբինատ» ՓԲԸ վթարավերականգնողական ուժերի պատրաստականությունը, պատրաստվածությունը և ներքին, արտաքին ազդարարման համակարգի արդյունավետությունը, ինչպես նաև կոմբինատի Նահատակ պոչամբարի պատվարի վթարի վերացման «Պոչամբարների վթարների վերացմանը մասնակցող առանձին անձանց պարտականությունների  բաշխումն ու նրանց գործողությունների կարգը»:

 

Վարժանքի շրջանակներում խնդիր էր դրված ստուգել նաև արտակարգ իրավիճակների դեպքում տեղեկատվության տրամադրման շղթայի արդյունավետությունն ինչպես ազգային մակարդակով, այնպես էլ Հայաստանի և Վրաստանի միջև:

 

Համաձայն վարժանքի սցենարի՝ խաղարկվեցին հետևյալ գործողությունները.

 

- Լոռու մարզային փրկարարական վարչության ազդարարում և հավաք.

 

- Լոռու ԱԻ հանձնաժողովի ազդարարում և հավաք.

 

- Հատուկ հետախուզության կազմակերպում.

 

- Բնակչության իրազեկում վտանգավոր օբյեկտի վթարի դեպքում վարվելակերպի կանոնների մասին.

 

- ԱԻՆ ՓԾ ԲՊԱՀՎԿ վարչության և Լոռու ճառագայթային, քիմիական մոնիտորինգի, փրկարարական և արձագանքման խմբերի ազդարարում և խնդրադրում, ռադիացիոն և քիմիական մոնիտորինգի կազմակերպում և իրականացում.

 

- Արտահոսքի հետևանքով տուժածների հայտնաբերման և առաջին բուժօգնության ցուցաբերման իրականացում.

 

- ԱԻՆ ՓԾ Լոռու մարզային փրկարարական վարչության օպերատիվ խմբի և ուժերի գործողությունների իրականացում, բնակչության և տարածքների պաշտպանության միջոցառումների կառավարում և կատարում.

 

- Կանխարգելիչ միջոցառումների իրականացում.

 

- Վթարավերականգնողական աշխատանքների կազմակերպում

 

- Արտակարգ իրավիճակներում Լոռու մարզի բնակչության պաշտպանության պլանով նախատեսված գործողությունների իրականացում.

 

- Վտանգավոր գոտում հայտնված բնակչության տարահանման կազմակերպում.

 

- ԱԻՆ ճառագայթային, քիմիական մոնիտորինգի, փրկարարական և արձագանքման խմբերի և գործարանի ներգրավված խմբերի կողմից չեզոքացման աշխատանքների իրականացում:

 

Ուսումնավարժության ավարտին Փրկարար ծառայության տնօրենի տեղակալ, փ/ծ գնդապետ Արտավազդ Դավթյանի կողմից ԱԻՆ ՓԾ համապատասխան ստորաբաժանումներին տրվեցին հանձնարարականներ՝ արձագանքման պլանների վերանայման, առկա թերությունների վերացման և արդյունավետ համագործակցության բարելավման ուղղություններով»,- նշված է հաղորդագրության մե