ՀՀ ոստիկանությունը մեկ օրում բացահայտել է հանցագործության 41 դեպք

 

Ըստ ոստիկանության օպերատիվ հաղորդագրությունների ամփոփագրերի` դեկտեմբերի 24-ից 25-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 41 դեպք։

 

Ինչպես «Արմենպրես»-ին տեղեկացավ ՀՀ ոստիկանության պաշտոնական կայքից, բացահայտվել է անձնական ունեցվածքի գողության 10, խարդախության 7, մարմնական վնասվածք հասցնելու 5, հարկերից խուսափելու 3, անձի առևանգման, յուրացման կամ վատնման, թմրամիջոցի հայտնաբերման և ծեծի 2-ական, ավազակային հարձակման, ավտոմեքենա փախցնելու, պաշտոնեական լիազորությունների չարաշահման, ընտրական իրավունքի խախտման, ավտոմեքենայի նույնականացման համար կեղծելու, թմրամիջոցներ կամ հոգեմետ նյութեր առաքելու կանոններ խախտելու, փաստաթղթի կեղծիքի ու անհետաձգելի միջամտության որոշումը կամ պաշտպանական որոշումը դիտավորությամբ չկատարելու 1-ական դեպք։

 

Հայտնաբերվել է 1 անհետ կորած, 3 հետախուզվող, կամավոր ներկայացել է 3-ը:
Գրանցվել է զենք-զինամթերքի կամավոր հանձնման 2 դեպք։

 

Նախկինում կատարված հանցագործություններից բացահայտվել է անձնական ունեցվածքի գողության ու ավտոմեքենա փախցնելու 2-ական, կողոպուտի ու վրաերթի 1-ական դեպք։ 

 

Անցած 1 օրվա ընթացքում հանրապետությունում արձանագրվել է ճանապարհատրանսպորտային 16 պատահար, ինչի հետևանքով 23 մարդ ստացել է տարբեր աստիճանի մարմնական վնասվածքներ: