Ադրբեջանում պատրաստվող քաղբանտարկյալների նորացված ցուցակում 79 հոգու անուն կա

Ադրբեջանի որոշ իրավապաշտպան կառույցներ եւ փաստաբաններ պատրաստում են քաղբանտարկյալներ համարվող անձանց նորացված ցուցակը: Ցուցակը կհրապարակվի դեկտեմբերին:

Այս մասին, հայտնում է faktxeber.com-ը` նշելով, որ ներկայում ցուցակում 79 հոգու անուն  է նշված:

Ցուցակի լրագրողների եւ բլոգերների բաժնում նշված է 12 հոգու անուն. Աբդուլ Աբիլով, Նիջաթ Ալիեւ, Փարվիզ Հաշիմլի, Խադիջա Իսմայիլովա, Սեյքուր Հազի, Արազ Գուլիեւ, Ֆարաջ Քարիմով, Հիլալ Մամեդով, Օմեր Մամեդով, Ռաուֆ Միրկադիրով, Ռաշադ Ռամազանով, Թոֆիգ Յագուբլու: 

Տրված են 7 իրավապաշտպանի անուններ. Անար Մամեդլի, Ալիաբբաս Ռուստամով, Լեյլա Յունուս, Արիֆ Յունուս, Ռասուլ Ջաֆարով, Ինթիգամ Ալիեւ, Թալեհ Խասմամեդով:

Ցուցակում ակտիվ քաղբանտարկյալ են համարվում 4 երիտասարդ`  Ռաշադեթ Ախունդովը, Մամեդ Ազիզովը, Ռաշադ Հասանովը, Իլքին Ռուստամզադեը: 

Ընդդիմադիր քաղաքական գործիչներից 5 հոգու անուն է մտցվելքաղաքական բանտարկյալների ցուցակ. Իլգար Մամեդով, Յադիգար Սադըգով, Ասիֆ Յուսիֆով, Գադիր Խուդաբախշիեւ, Էլվին Աբդուլլաեւ:

Ցուցակի նախկին պետական չինովնիկների բաժնում նշված է 5 հոգու անուն. Ալի Ինսանով, Նիջաթ Գուլիեւ, Ասիֆ Լաթիֆով, Աքիֆ Մուրադվերդիեւ, Նեմաթ Փանահլը:

Քաղբանտարկյակների ցուցակում նշվում են նախկին հատուկ նշանակության ոստիկանական ջոկատի 3 անդամների անունները. Էլչին Ամիրասլանով, Արիֆ Քազիքով, Սաֆա Փոլադով:

Մեկ հոգի ձերբակալվել է 2013 թվականի Իսմայիլլիի բողոքի ցույցերում. Վասիֆ Իբրահիմով:

Ցուցակի քաղաքական պատանդների բաժին է մտցվել 4 հոգու անուն. Էլնուր Սեյիդով, Սիրաջ Քարիմլի, Մուրադ Ադիլով, Մուբարիզ Աբդուլլաեւ:

Նշվում է, որ ներկայում կալանման մեջ են գտնվում քաղաքական դրդապատճառներով ձերբակալված 38 հավատացյալ ակտիվիստներ. նրանց մեջ են Իսլամական կուսակցության առաջնորդ Մովսում Սամեդովը, աստվածաբան Աբգյուլ Սուլեյմանովը:

Միջազգային եւ ադրբեջանական իրավապաշտպան կազմակերպություններն ավելի վաղ հայտնել էին Ադրբեջանում մոտ 100 քաղբանտարկյալներ, այդ թվում` 28 «խղճի բանտարկյալ», լինելու մասին: