Այսօր ՀՀ առաջին նախագահ Լևոն Տեր-Պետրոսյանի ծննդյան 74 ամյակն է: Armdaily.am-ը զրուցեց առաջին նախագահի մամուլի խոսնակ Արման Մուսինյանի հետ, ով ասաց որ ինչպես ամեն տարի, այնպես էլ այս տարի Լևոն Տեր-Պետրոսյանը ծննդյան տարեդարձը նշում է տանը՝ ըկերների և ընտանիքի հետ.«Փառք Աստծո առաջին նախագահը շրջապատված է բազմաթիվ ընկերներով և նրանք միշտ այդ օրը այցելում են իրեն: Ոչ մի հատուկ միջոցառում չի կազմակերպվում: Ծննդյան տարեդարձը անցնում է ընկերների ու հարազատների ջերմ մթնոլորտում»,-ասաց Արման Մուսինյանը:
Լևոն Տեր-Պետրոսյանը քաղաքական ակտիվությունը սկսել է 1960-ական թվականներին ծագած ուսանողական խմորումների ժամանակ։ Նա գործուն մասնակցություն է ունեցել Արցախյան շարժմանը, Արցախյան ազատամարտին, ղեկավարել Հայկական ԽՍՀ Գերագույն խորհուրդը, ապա ընտրվել Հայաստանի նորաստեղծ Հանրապետության նախագահ։ Նախագահի պաշտոնից հրաժարվել է 1998 թվականի փետրվարի 3-ին։ Գործուն մասնակցություն է ունեցել Արցախյան շարժմանը, Արցախյան ազատամարտին, ղեկավարել Հայկական ԽՍՀ Գերագույն խորհուրդը, ապա ընտրվել Հայաստանի նորաստեղծ Հանրապետության նախագահ։ Նախագահի պաշտոնից հրաժարվել է 1998 թվականի փետրվարի 3-ին։
Իշխանության հայտնի ուժերը նախագահին հրաժարական պարտադրելը բացատրեցին Ղարաբաղի հարցում նրա զիջողական տրամադրությամբ: Տեր-Պետրոսյանն ասում էր, որ Արցախը պատրվակ է. «Իմ միակ խնդրանքը եղել է Արցախի հարցում ետքայլ անելը, իրավիճակը գոնե ակտիվ սառեցնելը»: Իր հրաժարականի տեքստում Տեր-Պետրոսյանն ասում է. «Զերծ եմ մնում որեւէ մեկնաբանությունից կամ գնահատականից՝ իրադրությունը չսրելու նպատակով։ Միայն հարկ եմ համարում նշել, որ իշխանության ճգնաժամում Արցախի հարցի արծարծումն ընդամենը պատրվակ էր»։
2009-ին ունեցած մի ելույթում, Լևոն Տեր-Պետրոսյանը նշում է, որ, եթե քաղաքականության մեջ որեւէ մեկը որեւէ մեկին խաբում է, դա խաբվողի և ոչ թե խաբողի բացթողումն է:
Ինքը՝ Տեր-Պետրոսյանը, իր քաղաքական ձգտումների մասին ոչինչ չի ասում, բացարձակապես ոչինչ: Նույնիսկ ամենամերձավորների ուղիղ հարցերին ի պատասխան՝ անեկդոտներ է պատմում, ցրում հարցերը, չլսելու տալիս: Նա մի հոդվածում գրում է․ «Բացասական պատասխանի բացակայությունն արդեն փսփսոցներ է հարուցում, բայց Տեր-Պետրոսյանը որոշում է ավելի խորացնել ինտրիգը եւ իր շփումների, զրույցների ընթացքում հաճախ է հիշում Ֆրանսիայի նախագահ Շառլ դը Գոլին: Նրանք, ովքեր ուսումնասիրել են կամ կարդացել են դը Գոլի մասին, հասկանում են, որ հրաժարականից հետո Տեր-Պետրոսյանի ապրելակերպը էականորեն հիշեցնում է դը Գոլին:
Դը Գոլի նկատմամբ առաջին նախագահի ցուցաբերած հետաքրքրության մասին լուրեր են հայտնվում մամուլում, եւ սա դառնում է Տեր-Պետրոսյանի այլաբանական, խորհրդավոր, բայց միակ ուղերձը հանրությանը, եւ այդ ուղերձը մեծ հաշվով ոչ թե ինքն անձամբ է փոխանցում, այլ երկրորդ, երրորդ, չորրորդ անձանց միջոցով: «Տեր-Պետրոսյանը խոսում է դը Գոլի մասին», «Տեր-Պետրոսյանը կարդում է դը Գոլի մասին», «Տեր-Պետրոսյանը հետաքրքրված է դը Գոլով». այս տեղեկությունները բանավոր կամ գրավոր միջոցներով փոխանցվում են քաղաքականապես ակտիվ շրջանակներին, մամուլի միջոցով՝ հանրությանը»:
