Վերջին օրերին մամուլում և սոցցանցերում ակտիվ քննարկում է Երևանի քաղաքապետարանում, և մի քանի մարզերում պարգևավճարներ անելու թեման:
Պնդումներ կան քաղաքապետարանում այդ պարգևատրումների հաշվին նվազել են բյուջեից տրանսպորտին և վերելակների վերանորոգմանը հատկացվող գումարները:
Երեկ հայտնի դարձավ, որ մի քանի մարզպետներ, մեծ թվով գումարներ են հատկացրել պարգևատրումների, իսկ ոմանք նույնիսկ 2 անգամ էին պարգևատրվել:
AD TV-ի հետ հարցազրույցում ԱԺ «Իմ քայլը» դաշինքի փոխնախագահ Լենա Նազարյանը նշեց, որ քաղաքապետարանում օպտիմալացման գործընթացներ են իրականացվում, որոնց արդյունքնում առաջացած գումարը պարգևատրումների միջոցով նախատեսվում է տալ քաղաքապետարանի աշխատակիցներին:
«Պարգևատրումներ լինելու են, բայց սահմանվելու են որոշակի չափանիշներ, որպեսզի հնարավոր լինի աշխատանքի արդյունքը գնահատել: Միայն արդյուքնի դեպքում աշխատակիցը կստանա պարգևավճար»,- ասաց Լենա Նազարյանը
Ինչ վերաբերում է մարզպետարաններում տեղի ունեցող պարգևատրումներին, ապա ԱԺ փոխնախագահը նշեց, որ դա նախկինից եկած պրակտիկա է, իներցիայով է եկել մնացել:
Մեր այն հարցին, թե ինչպե՞ս է կլինի այս փաստի հանրային ընկալումը, եթե նախկին իշխանություններն արդեն գնացել են, իսկ հիմա «Իմ քայլը» դաշինքի ներկայացուցիչն ինքն իրեն աշխատավարձի 104 տոկոսի չափով պարգևատրում է անում, ԱԺ փոխնախագահը պատասխանեց. «Կարծում եմ, որ այս պարագայում հարկ կա, որ մարզպետները պարզաբանեն իրենց որոշման նպատակահարմարությունը:
Մանրամասները տեսանյութում:
