Օրվա բաղադրատոմսը. Երկշերտ չիզքեյք

Բաղադրիչներ

Խմորի համար՝
թխվածքաբլիթ – 300գր (շոկոլադե)
կարագ – 3ճ/գդ
շաքարավազ – 2ճ/գդ
աղ – մեկ պտղունց
Միջուկի համար՝
պանիր մասկարպոնե – 1կգ 150գր
շաքարավազ – 1,5 բաժակ
թթվասեր – 3/4բաժակ
ձու – 5 հատ
աղ – 1/2թ/գդ
վանիլին – 15գր
գետնանուշի կարագ(арахисовое масло) – 3/4բաժակ
ժելե սև հաղարջի համով – 1 տուփ
Ջնարակի համար՝
սերուցք 30-35% յուղայնությամբ – 2 բաժակ
կարագ – 2ճ/գդ
շոկոլադ սև – 450գր (դառը)

Պատրաստման եղանակ

• Փշրում ենք թխվածքաբլիթները, ավելացնում ենք կտրատված կարագը, աղն ու շաքարավազը և խառնում: Ստացված զանգվածը դնում ենք կլոր ձևամանի մեջ, հարթեցնում ենք ու թխում ջեռոցում 10 րոպե 160 աստիճանում:
  
• Պատրաստում ենք ժելեն ըստ տուփի վրա նշված եղանակի:
  Հարում ենք մասկարպոնեն, թթվասերը, շաքարավազը, ձուն, վանիլինն ու աղը: Ստացված կրեմը բաժանում ենք երկու մասի: Մի մասի մեջ ավելացնում ենք գետնանուշի կարագը և խառնում, իսկ երկրորդ մասին ավելացնում ենք պատրաստի ժելեն և հարում ստացված զանգվածը:
  
• Պատրաստի թխվածքի վրա քսում ենք գետնանուշով կրեմը, ապա վրան քսում ենք ժելեյով կրեմը և դնում ջեռոցի մեջտեղի դարակում 60 րոպեով 160 աստիճանում (ջեռոցի ներքևի դարակում ձևամանի տակը դնում ենք կաթսայով ջուր, որպեսզի ջուրը գոլորշանա և չիզքեյքը չվառվի):
• Պատրաստի թխվածքը հանում ենք ջեռոցից, թողնում որ սառչի, ապա տեղափոխում սառնարան 4 ժամով:
  
• Ջնարակի համար լցնում ենք սերուցքը կաթսայի մեջ, հասցնում եռման աստիճանի և հանում կրակի վրայից: Ավելացնում ենք կարագը, շոկոլադը և խառնում մինչև ստացվի միատարր զանգված:
• Զգուշորեն հանում ենք թխվածքը ձևամանից, ամբողջությամբ պատում ջնարակով և կրկին տեղափոխում սառնարան 45 րոպեով:
  Եվ ամեն բան պատրաստ է:
  

Ի դեպ, երկշերտ չիզքեյքը ավելի հեշտ կտրելու համար դանակի սայրն ամեն անգամ մտցրեք եռացրած ջրով բաժակի մեջ 

Շեֆ Խոհարար