Ֆրանսիայում եռօրյա սուգ է հայտարարվել

 Ֆրանսիայի նախագահ Ֆրանսուա Օլանդը երկրի պատմության մեջ խոշորագույն ահաբեկչության առնչությամբ 3-օրյա ազգային սուգ է հայտարարել: Այս մասին տեղեկացնում է Associated Press գործակալությունը:

Օլանդը հայտարարել է, որ երկրում անվտանգությունը հասցված է բարձրագույն մակարդակի: Ֆրանսիայի ժողովրդին արված իր ուղերձում նա նշել է, որ փարիզյան ահաբեկչություններն իրականացվել է «ահաբեկչական բանակի, «Իսլամական պետություն» խմբավորման, ջիհադական բանակի կողմից ընդդեմ Ֆրանսիայի, ընդդեմ այն արժեքների, որ պաշտպանվում են ողջ աշխարհում»: «Մենք անգութ ենք լինելու«Իսլամական պետություն» խմբավորման բարբարոսների դեմ: Ֆրանսիան ամեն ձևով պայքարելու է ցանկացած վայրում` թե’ երկրի ներսում, թե’ դրսում»,- ասել է Օլանդը` հավելելով, որ 127 մարդ է մահացել, նախագահի բնորոշմամբ, «պատերազմական գործողության» հետևանքով:

Նոյեմբերի 13-ի երեկոյան Ֆրանսիայի մայրաքաղաք Փարիզում միաժամանակահաբեկչություններ են տեղի ունեցել քաղաքի 6 տարբեր վայրերում: Ահաբեկչությանհետևանքով տուժել է ավելի քան 250 մարդ, նրանցից 99-ի վիճակը ծանր է: Երկրումհաստատվել է արտակարգ դրություն, հայտարարվել խիստ վերահսկողությունպետական սահմանների նկատմամբ: Ահաբեկչությունից ժամեր անց նախագահՖրանսուա Օլանդը հրավիրել է արտակարգ խորհրդակցություն: Նա ահաբեկչությանծավալներն աննախադեպ է անվանել: