Խռմփոցը հնարավոր է բուժել խուտուտի միջոցով

Ինչպես պարզել են բրիտանացի գիտնականները՝ խռմփոցի դեմ պայքարին օգնում է կզակի խուտուտը:

Նրանք մշակել են նոր նշանաբան, ինչը ամուսնական ննջարան կարող է բերել երկար սպասված լռություն: Լոնդոնի Guy՝s and St Thomas NHS Foundation Trust-ի գիտնականների կողմից ստեղծած սարքավորումը ցածր ուժգնությամբ էլեկտրականությամբ խթանում է կզակի մկանները:

Ինչպես ցույց են տվել կլինիկական հետազոտությունները, այդ մեթոդը օգնում է մարդկանց ազատվել օբստրուկտիվ ապոնեից, ինչը խռմփոցի հիմնական պատճառն է: Այդ խանգարման պատճառով լեզուն ընկնում է կոկորդը, արգելափակում շնչուղիները, ինչի արդյունքում մարդը քնած ժամանակ ոչ հաճելի ձայներ է արձակում:

Ապոնեն հաճախ հանգեցնում է նաև կոկորդի փափուկ հյուսվածքների խաթարմանը, ինչը նույնպես արգելափակում է շնչուղիները: Սարքավորման գաղափարը հիմնված է լեզվի և կոկորդի մկանների համար պատասխանատու մկանների խթանման վրա: Այն ընդլայնում է շնչուղիները և արդյունքում կանխարգելում կամ նվազեցնում է խռմփոցը:

Սարքավորումը մկաններ է ուղարկում շատ թույլ ուժգնությամբ էլեկտրական իմպուլսներ, որոնք այնքան թույլ են, որ չեն կարող ցավեցնել կամ քնից արթնացնել մարդուն: Էլեկտրոդները տեղադրվում են կոկորդի երկու կողմերում անմիջապես կզակի տակ: Կլինիկական հետազոտությունները, որոնց մասնակցել է 33 մարդ, ցույց են տվել, որ գիշերը 10 րոպե սարքավորման օգտագործումը խթանում է կզակալեզվային մկանները, ինչն էլ օգնում է ընդարձակել շնչուղիները:

Ճապոնիայում անցկացված հետագա փորձերը ցույց են տվել, որ այդ սարքավորման օգտագործումից հետո խռմփոցի դեմ պայքարող մարդկանց վիճակը լավանում է 50 %-ով:

Աղբյուր` LADYNEWS.am