Փոփոխությունները պատգամավորների, գործարարների համար է, գյուղացիներին ոչինչ չի տալու. Գյուղացի

Սահմանադրական փոփոխություննրի նախագիծը Հայաստանին հնարավորություն է տալիս զարգացնելու պետությունն ու հասարակությունը: Այս մասին այսօր՝ նոյեմբերի 15-ին, Սյունիքի մարզի Խնձորեսկ գյուղում ասել է Հայաստանի PR ասոցիացիայի նախագահ Արման Սաղաթելյանը, որը Սահմանադրական փոփոխություններին նվիրված իրապատում հեռուստանախագծի շրջանակում այցելել է Խնձորեսկում:

«Անձերի, անձերի հետեւում կանգնած շրջանակների պայքար չի լինելու, խորհրդարանակն համակարգը ենթադրում է, որ անկախ կուսակցությունից ու դիրքից կարող ես ազդել երկրի պագայի, դրա զարգացման համար»,-ասաց Արման Սաղաթելյանը:

«Հասարակական կարծիքի ուսումնասիրության» կենտրոնի նախագահ Թամարա Գեւորգյանն էլ նշեց, որ եթե Հայաստանը չունենալով կայուն կուսակցական համակարգ, հնարավոր չէ ունենալ խորհրդարանակն կառավարման համակարգ:

« Չունենանք այն պրոֆեսիոնալ կառավարիչները, որոնք որ կիրականացնեն սահմանադրական փոփոխությունների նախագծով նշված կետերը, փոփոխություններից հետո էլ ոչինչ չի փոխվի երկրում»,-ասաց Թամարա Գեւորգյանը:

Դահլիճում գտնվող խնձորեսկցիներից մեկն էլ տեղի նշեց, որ սահմանադրական փոփոխությունները պատգամավորների ու գործարարների համար են, դրանք գյուղացիներին ոչնչով էլ չեն օգնելու. «Էդ բարեփոխումները 131 պատգամավորների, գործարարների համար է, որը գյուղացիներին ոչինչ չի տալու»:

Նշենք, որ «Հարավ» ուղղության այո-ի մասնակիցներն են՝ Սահմանադրական բարեփոխումների մասնագիտական հանձնաժողովի անդամ Հրայր Թովմասյանը, Հայաստանի PR ասոցիացիայի նախագահ Արման Սաղաթելյանը, ԱԺ «Հանրապետական» խմբակցության  պատգամավորներ Կարինե Աճեմյանը, Վարդան Այվազյանը: Իսկ ոչ-ի ճակատից  են հասարակական կարծիքի ուսումնասիրության կենտրոնի նախագահ Թամարա Գեւորգյանը, քաղաքական գործիչ Ազատ Արշակյանը, ակտիվիստ Վաղինակ Շուշանյանը, ԱԺ պատգամավոր Հրանտ Բագրատյանը: