Խնձորի քացախով լավագույն հակատարիքային դիմակները, որոնք կարելի է պատրաստել նաև տնային պայմաններում

Մաշկային խնդիրները կարող են առաջանալ ցանկացած տարիքում և տարբեր պատճառներով: Դրանք կարող են պայմանավորված լինել հորմոնալ խանգարումներով, ներքին օրգանների աշխատանքի խանգարումներով կամ լինել մաշկաբանական հիվանդությունների հետևանքով:

Բնական խնձորի քացախը կարող է հրաշալի միջոց լինել ակներց, պիգմենտյին հետքերից և կնճիռներից ազատվելու համար: Ձեր ուշադրությանն ենք ներկայացնում խնձորի քացախով մի քանի արդյունավետ միջոց՝ մաշկային խնդիրենրից ազատվելու համար:

Ինչպես օգտագործել խնձորի քացախը

Խնձորի քացախի մեջ պարունակվող բնական թթուն ոչնչացնում է մաշկի վրայի սնկերն ու բակտերիաները՝ կարգավորելով թթվահիմնային բալանսը: Բացի այդ, յն հարուստ է վիտամիններով, հանքանյութերով, հակաօքսիդանտներով ու ֆերմենտներով, որոնք շատ կարևոր են մաշկի համար:

Խնձորի քացախով դիմակ ակների դեմ

Այս դիմակը շատ հարմար է յուղոտ մաշկի համար, որի վրա անընդհատ խնդիրներ են առաջանում: Այն դարձնում է մաշկն անփայլ, մաքրում է ու նեղացնում ծակոտիները:

Բաղադրությունը.

• 2 ճ.գ. վարսակի փաթիլներ,
• 2 թ.գ. մեղր,
• 4 ճ.գ. խնձորի քացախ:

Օգտագործման եղանակը.

Վարսակը մանրացնել ու ալյուր դարձնել, խառնել այն մեղրին ու ավելացնել քացախը: Ստացված զանգվածը քսել մաքուր դեմքին, թողնել 20 րոպե, այնուհետր լվանալ գոլ ջրով և քսել խոնավեցնող անյուղ նրբաքսուք:

Երիտասարդացնող դիմակ

Դարձնում է մաշկն ավելի առաձգական ու ձիգ, թարմացնում ու սնուցում է այն:

Բաղադրությունը.

• 1 ոչ մեծ վարունգ,
• 3 ճ.գ. ձիթայուղ,
• 1 ձվի դեղնուց.
• 1/3 թ.գ. խնձորի քացախ:

Օգտագործման եղանակը.

Վարունգը քերիչով մանրացնել, հյութը մի փոքր քամել, այնուհետև ավելացնել մյուս բաղադրիչները և քսել, դեմքին, պարանոցին ու դեկոլտեի հատվածին: 15 րոպե անց լվացվել գոլ ջրով:

Լոսյոն յուղոտ մաշկի համար

Հաճախ ժամանակը չի բավականացնում պարբերաբար կոսմետիկ դիմակներ պատրաստելու համար: Նման դեպքերում կարելի է խնձորի քացախով լոսյոն պատրաստել, որը կարել է 3 օր պահել սառնարանում:

Բաղադրությունը.

• 5 ճ.գ. կանաչ թեյի թունդ թուրմ,
• 1 ճ.գ. խնձորի քացախ:

Օգտագործման եղանակը.

Բաղադրիչները խառնել և ստացված լոսյոնով օրական մեկ անգամ մաքրել դեմքը: Այս միջոցն ազատում է յուղոտ փայլից, չորացնում է մաշկն ու տոնուս է հաղորդում:

Դիմակ պիգմենտային հետքերի դեմ

Այս դիմակը նպաստում է մաշկի գունաբացմանը և պիգմենտային հետքերի, փոքրիկ սպիերի ու կնճիռների վերացմանը

Բաղադրությունը.

• 0,5 բաժակ ջուր,
• 1 թ.գ. խնձորի քացախ,
• Կես կիտրոնի հյութ,
• 1 ճ.գ. մեղր,
• 2 ճ.գ. կերակրի սոդա:

Օգտագործման եղանակը.

Քացախն ու կիտրոնի հյութը լուծել ջրում, այնուհետև խառնուրդը դանդաղ ավելացնել սոդային և անընդհատ խառնել, մինչև դառնա համասեռ հեղուկ խյուսատիպ զանգված: Ավելացնել մեղրն ու լավ խառնել: Ստացված խառնուրդը քսել մաքուր մաշկին, թողնել 10 րոպե և լվացվել նախ գոլ, այնուհետև սառը ջրով: