Հանցագործը ծանոթությունների կայքից չինուհուց խաբեությամբ 2.5 մլն դոլար է գողացել

Հանցագործը Չինաստանի բնակչուհուց խաբեությամբ 16.6 մլն յուան (2.5 մլն դոլար) է գողացել, հաղորդում է Pengpai-ն:

Շանհայի դատախազությունում լրագրողներին հայտնել են, որ Տան ազգանունով չամուսնացած կինը 2018-ի նոյմեբերին ծանոթությունների կայքերից մեկում ծանոթացել է մի տղամարդու հետ:

2018-ի դեկտեմբերին տղամարդը Տանին հայտնել է, որ առցանց խաղատներից մեկում խոցելիություն է հայտնաբերել, որի լիցքավորման ժամանակ գումարը զգալի չափով ավելացել է:

Համոզվելու համար նա կնոջը  ցույց է տվել, որ 680 հազար յուանի փոխարեն (մոտ 101.3 հազար դոլար) հաշվին արդյունքում 800 հազար յուան (մոտ 119.2 հազար դոլար) է հայտնվել, որը նա արդեն կարողացել է իր բանկային հաշվին փոխանցել: Կինը սկզբում չի հավատցել նրան, սակայն հաջորդ օրն այնուամենայնիվ առցանց խաղատան կայքում էջ է բացել:

Դրանից հետո նա «ընկերոջ» հրահանգի համաձայն 5.8 մլն յուան է փոխանցել, նրա անձնական հաշվին 6.82 մլն յուան թիվն է հայտնվել:

Տուժողն ուրախացել  եւ անմիջապես ցանկացել է գումարն իր բանկային հաշվին փոխանցել, սակայն նրա ծանոթը զգուշացրել է, որ ավելի լավ է մի քանի օրից անել, քանի որ գումարի փոխանցումը կարող է կասկածներ առաջացնել խաղատան ղեկավարության մոտ:  Հաջորդ 5 օրերին կինը խաղատան հաշվին եւս 10.8 մլն յուան է փոխանցել, իսկ 6-րդ օրը պարզ է դարձել, որ կայքում այլեւս հնարավոր չէ գրանցվել, իսկ նրա ծանոթը դադարել է պատասխանել հաղորդագրություններին:

Ավելի ուշ ոստիկանությունը պարզել է, որ հանցագործները ստվերային բանքինգի միջոցով տուժողի 16.6 մլն յուանը փոխանցել են տասնյակ կեղծ հաշիվներին  եւ մաս-մաս կանխիկացրել:

Հունվարի 23-ին քննիչները պարզել են տուժողի «ծանոթի» ինքնությունը եւ նրան ձերբակալել Դունգուան քաղաքում: Ըստ ոստիկանության՝ «գլխավոր մենեջերն» իրակմնում  գործազուրկ տղամարդ է՝ թերի միջին կրթությամբ: