Տոմայի 5 ամենահամարձակ ու վառ դիմահարդարումները. լուսանկարներ

Թամարա Պետրոսյան կամ պարզապես Տոմա. դերասանուհի, ով հեռուստադիտողին հայտնի է մի շարք նախագծերից:

Ամեն շաբաթ Տոմային և մի շարք այլ դերասանուհիների կարելի է տեսնել Women’s club-ի շրջանակներում:

Աղջիկները հայկական եթեր են բերել կանացի մի շարք հարցեր ու խնդիրներ` ակտուալ դարձնելով կանացի հումորը:

Citrus.am-ը արդեն առիթ ունեցել է անդրադառնալու ակումբի անդամներին` ներկայացնելով նրանց ոճը:

Այս անգամ ուսումնասիրել ենք Տոմայի ինսթագրամյան էջն ու առանձնացրել դերասանուհու մի քանի վառ ու համարձակ դիմահարդարում:

Առաջարկում ենք այս գարուն փորձել դրանցից որևէ մեկը:

Յուրաքանչյուր շաբաթ  Women’s club-ի դերասանուհիները ներկայանում են նոր կերպարներով: Նրանց ոճաբանն է Արայիկ Գաբաջյանը: Աղջիկների դիմահարդարմանը ևս մեծ ուշադրություն է հատկացվում: Եթերների մեկի ժամանակ Տոման ներկայացել է բավականին վառ դիմահարդարմամբ.  կարմիր շրթներկ և աչքերի փիրուզագույն շպար:

Դերասանուհին հաճախ մասնակցում է նաև տարբեր ֆոտոնկարահանումների: Հերթական ֆոտոսեսիաներից մեկի ժամանակ նրա դիմահարդարումը վարդագույն երանգների մեջ է: Դերասանուհու կոպերը ամբողջովին հարդարված են վարդագույն ստվերաներկով:

Տոման նաև հանդիսանում է «Voices of Artsakh» խմբի անդամ: Խմբի տեսահոլովակներն աչքի են ընկնում հետաքրքիր ու կրեատիվ գաղափարներով: Օրինակ, «Դե ասե» երգի տեսահոլովակում Տոման ներկայանում է վարդագույն շրթներկով ու սպիտակ սլաքներով: Բավականին վառ կերպար է ստացվել:

Տեսահոլովակի մյուս կերպարի դիմահարդարումն արված է ոսկեգույնի և շագանակագույնի երանգների մեջ: Շագանակագույն ստվերաներկը աչքերը մի փոքր փոքրացրել ու, միևնույն ժամանակ, ձգել է վեր, իսկ  ոսկեգույն փայլերը հայացքին կենդանություն են հաղորդել:

Խմբի ևս մեկ «Ես եմ» երգի տեսահոլովակի ժամանակ Տոմայի դիմահարդարման շեշտը դրված է շուրթերին: Աչքերը ևս վառ արտահայտիչ տեսք ունեն, բայց ամենահետքաքրքիր էլեմենտը հենց շուրթերին է: