Փաշինյանը նոր հեղափոխությո՞ւն է արել.ո՛չ հեգնանք, ո՛չ էլ էյֆորիա
ՔԱՂԱՔԱԿԱՆ2017 թվականին Երևանի Հարավ-արևմտյան թաղմասում «Ելք» դաշինքի աջակիցների վրա զինված հարձակման գործով նախօրեին Երևանի ընդհանուր իրավասության դատարանի Շենգավիթ նստավայրում ցուցմունք է տվել վարչապետ Նիկոլ Փաշինյանը։ Փաշինյանը վկայի կարգավիճակում է։ Այս փաստը երեկվա և նախօրեի լրահոսի թոփ իրադարձությունն էր։ Խնդիրն ամենևին էլ քննվող գործի հասարակական հնչեղությունը չէ. այն այդպիսինը չէ՝ ո՛չ քաղաքական, ո՛չ էլ անգամ քրեական հարթության վրա։ Ամբողջ խնդիրն այն է, որ Հայաստանի պատմության մեջ առաջին անգամ երկրի ղեկավարը ներկայանում է դատարան՝ այսպիսով վերացնելով ջրբաժանը, այսպես կոչված՝ էլիտայի ու սովորական մահկանացուների միջև։ Այս առումով՝ տեղի ունեցածն իրապես Փաշինյանի կարևոր ավանդն է երկրում նոր քաղաքական մշակույթի ձևավորման հարցում։ Սա անվիճելի է, եթե նույնիսկ ոմանք չարախնդում են ու PR-ի էլեմենտներ են տեսնում վարչապետի քայլի մեջ։
Նույնքան անվիճելի է, որ այս քայլով Նիկոլ Փաշինյանն ընդգծված հարգանք ցուցաբերեց արդարադատության համակարգի նկատմամբ՝ օրինակ ծառայելով բազմաթիվ պաշտոնյաների, հասարակ քաղաքացիների համար։ Այս փաստերը չնկատել չի կարելի, ինչպես նաև բազմաթիվ այլ դրվագներ, երբ վարչապետը դուրս է գալիս տասնամյակներով ձևավորված «մշակույթից» ու վերացնում է այն արհեստական սահմանագիծը, որը ձևավորվել է իշխանության ու հասարակության միջև։ Օրինակ՝ նախօրեին Նիկոլ Փաշինյանը կոնկրետ օրակարգով այցելել էր Արմավիրի մարզ, սակայն չզլացավ ճանապարհին մի քանի կանգառ անել, երբ տարբեր գյուղերի բնակիչներ իրենց կոնկրետ օրակարգերով ու դարդ ու ցավով սպասում էին վարչապետին։
Մյուս կողմից՝ չի կարելի ֆետիշացնել վարչապետի այցը դատարան։ Այս օրերին կարծիքներ եմ լսում, թե սրանով դրվեց արդարադատության համակարգում հեղափոխության մեկնարկը, կամ, որ Փաշինյանի քայլը հեղափոխական է և այլն։ Երբ նման կարծիքների եմ հանդիպում, ակամայից մտածում եմ, որ նույնիսկ թավշյա հեղափոխությունը չի փոխել մեր փորձագիտական մտքի, հասարակության հավակնությունների նշաձողը։
Ի՞նչ ձգտումներ ունենք մենք, ո՞ւմ հետ ենք համեմատվում։
Սրանք շատ կարևոր հարցեր են, որոնց պատասխանները ձևավորում են մեր հավակնությունների նշաձողը, ձգտումների շեմը։ Եթե Հայաստանը համեմատում ենք եվրասիական Ռուսաստանի կամ Ղազախստանի հետ, ապա իսկապես Փաշինյանի քայլը արտառոց ու հեղափոխական է. օրինակ՝ դժվար է պատկերացնել, որ որևէ դատավոր կամ քննիչ ծանուցագիր ուղարկի Վլադիմիր Պուտինին։ Սակայն եթե անգամ հեղափոխությունից հետո մեր ձգտումը մնացել է նույնը՝ դեմոկրատական «պուպուշ» լինել եվրասիական տարածքում, ապա այդ խնդիրը, գոնե իմիտացիայի մակարդակում, լուծում էր նույնիսկ Սերժ Սարգսյանը՝ երկրի ներսում հանդուրժելով ընդդիմության գոյությունը ու բալանսավորված հարաբերություններ պահպանելով Եվրամիության հետ։
Թավշյա հեղափոխությունը՝ իր բնույթով ու օրակարգով, Հայաստանի առաջ պետք է բացի հավակնությունների նոր պատուհան ու մենք՝ որպես հասարակություն, պետք է ձգտենք այն չափանիշներին, որոնք ընդունված են քաղաքակիրթ աշխարհում։ ԱՄՆ-ում երկու տարի շարունակ հետաքննում էին նախագահ Թրամփի ու Ռուսաստանի կապը, կամ Իսրայելում կոռուպցիոն սկանդալների հարցով պարբերաբար հարցաքննության է կանչվում երկրի վարչապետը։ Ժողովրդավարական հասարակությունների համար սա սովորական մի երևույթ է, ու նրանք վաղուց նման իրադարձությունների մեջ հեղափոխականություն կամ պատմականություն չեն փնտրում։ Մենք էլ պետք է սովորենք չափանիշների այդ համակարգին, եթե, իհարկե, փորձում ենք ինտեգրվել քաղաքակիրթ աշխարհին՝ ավտորիտար միջավայրում «օազիսի» վերածվելու փոխարեն։
Արդարադատության համակարգում հեղափոխությունը կսկսվի այն ժամանակ, երբ դատավորները կամ քննիչներն իրապես համոզված լինեն, որ չեն տրվելու գործադիր իշխանության ճնշումներին կամ կամայական միջամտություններին։ Երբ Նիկոլ Փաշինյանը դատարան է գնում, նա, իհարկե, ապացուցում է, որ իրեն վեր չի դասում օրենքից, սակայն, անկեղծ լինենք, սա այն դեպքն է, երբ դատարանը վարչապետին հիշել է, ժողովրդական խոսքով ասած, «անշառ» առիթով։ Առայժմ չունեմ համոզվածություն, որ մեր իրավապահ մարմինները կամ արդարադատութայն համակարգը նույնքան «խիզախ» կգտնվեն, եթե խոսքը վերաբերի բարձրաստիճան պաշտոնյաների գործունեության, ենթադրենք՝ կոռուպցիոն ռիսկերին։ Ի վերջո, բոլորիս հիշողության մեջ դեռ թարմ է հայտնի գաղտնալսումների հետ կապված տխուր նստվածքը։ Գործադիր իշխանությունը դեռ բավարար ազդեցություն ունի դատական համակարգի վրա։ Իհարկե, իրավիճակն արմատապես տարբերվում է նախորդ տարիներից, սակայն Հայաստանի հետհեղափոխական դատավարությունների անգամ մակերեսային մոնիթորինգը կհաստատի, որ երկրում՝ հատկապես աղմկոտ դատվարությունների պարագայում, մարդիկ շարունակում են ազատության մեջ հայտնվել կամ ճաղերի հետևում գտնվել գլխավորապես քաղաքական որոշման արդյունքում։ Քաղաքական որոշումը պարտադիր չէ լինի բացառապես կառավարությունից հնչող զանգ. դա կարող է արտահայտվել իշխանության մաս կազմող պատգամավորների երաշխավորագրերով, որը «զանգով արդարադատության» նոր դրսևորում է, կամ կառավարվող «փողոցային արդարադատությամբ»։
Նախօրեին Նիկոլ Փաշինյանը կարևոր ու շատ գնահատելի քայլ է արել, սակայն այն կմնա ֆորմալություն, եթե այդ փաստի ֆետիշացմամբ հայտնվենք էյֆորիկ շրջապտույտում։
ՍՈՒՐԵՆ ՍՈՒՐԵՆՅԱՆՑ
Իշխանությունը ստում է. Հրայր Կամենդատյան
Պետք է ունենանք ազգային պետական շահը պաշտպանող թեկնածու․ Աննա Կոստանյան
Իրանի նախագահի ուղերձը նշանակում է՝ թույլ մի տվեք ԱՄՆ-ին օգտագործել ձեր տարածքը, և Իրանը չի հшրվածի ձեզ․ Վարդան Ոսկանյան
Սադրա՞նք, թե՞ իրականություն. Բաքուն սրել է ատամները
Իշխանությունը երբ հրաժարական տա, բանտ են ընկնելու, ամենադաժան պատիժն են ստանալու. Արշակ Կարապետյան
«Երեք աղջիկ ունեք, մեկին չեք առաջարկի՞ տղայիս»․ քաղաքացին՝ Նիկոլ Փաշինյանին (տեսանյութ)
Չեխիայի Հանրապետությունում հարևանները արդեն կիսում են էլեկտրաէներգիան և խնայում
«Քաղպայմանագիրը» շարունակելու է զտումները ընտրական ցուցակում
Ուրախ ավտոբուս. Փաշինյանն ու թիմը «տժժում» են
Էս դու իմ էջին վաբշե չես հետևո՞ւմ. Փաշինյան
Գազամատակարարման վթարային դադարեցում
Ջուր չի լինի մի քանի ժամ
Սադրանք «մոլոտովի կոկտեյլով»
Երեխաների սիրելի պլաստիլինը. ինչպե՞ս և ո՞ւմ կողմից է այն առաջին անգամ ստեղծվել. «Փաստ»
Մտահոգիչ միտումներ. Ամերիկյան հարցումների «մութ կողմը»
Ինչ-որ մի շատ լավ տեղեկացված աղբյուր ինձ հուշում է, որ այս պահին իրական թվերը հետևյալն են. Արման Աբովյան
TRIPP. վստահության ճգնաժամ և անորոշ հեռանկարներ. Սուրեն Սուրենյանց
Ծնողները ստիպված են լինելու ամեն օր երեխաներին այլ համայնքի դպրոց տանել․ Մենուա Սողոմոնյան
ՊԱՏՄՈՒԹՅԱՆ ԱՅՍ ՕՐԸ (7 ՄԱՐՏԻ). Հեռախոսի գյուտի արտոնագրումը, տիեզերագնացների առաջին խումբը. «Փաստ»
Ադրբեջանը Հայաստանին ներքաշո՞ւմ է Իրանի դեմ պատերազմ
Այն մասին, թե ինչ բարիկադ է առաջացել այս ընտրությունների ընթացքում, և նրա որ կողմում ենք գտնվում մենք. Ավետիք Չալաբյան
Ինչպիսի՞ եղանակ է սպասվում հանրապետությունում
Մեր զինված ուժերը վրեժ կլուծեն ռազմական գործողությունների ընթացքում զոհված յուրաքանչյուր իրանցու համար․ Արաղչի
Ինչպե՞ս կարող է իրանական ճգնաժամը ազդել Հայաստանի վրա. «Փաստ»
Վիետնամում այս պահին գտնվում է ՀՀ 12 քաղաքացի. դեսպանություն
Դպրոց փակելը հարված է գյուղի ապագային․ Լիլիթ Արզումանյան
Դիլիջանի և Սպիտակի ոլորանները բաց են բոլոր տեսակի տրանսպորտային միջոցների համար
Պահանջում ենք բարձրացնել թոշակները 50 տոկոսով. Հրայր Կամենդատյան
Իրանում երկրաշարժ է տեղի ունեցել
Նպատակ ունեն սերմանել զանգվածային անտարբերություն. «Փաստ»
Կթույլատրե՞ն իրական մրցակցություն․ Նարեկ Կարապետյանը վստահ է՝ հիմնական ընդդիմությանը չեն կարող արգելել մասնակցել ընտրություններին
Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար
Հաջորդ վարչապետ Սամվել Կարապետյանի բնակարանային հեղափոխությունը մեկնարկում է. Նարեկ Կարապետյան
Կատարում ՀՀ դեսպանության հետ կապ է հաստատել այդ տարածքում տարանցիկ գտնվող ՀՀ 41 քաղաքացի․ ԱԳՆ
«Այս ծանր օրերում ինձ ուժ տվողը թոռնիկներս դարձան». կրտսեր սերժանտ Սամվել Մելքումյանը վիրավորվել է սեպտեմբերի 30-ին Ջրականում, անմահացել՝ հիվանդանոցում՝ 2,5 ամսվա պայքարից հետո. «Փաստ»
Ուժի քաղաքականության վերադարձի վտանգն ու աշխարհակարգային տրամաբանության վերափոխումը. «Փաստ»
Թուրքիայում սկսվել է հակաադրբեջանական յուրահատուկ ալիք․ Վարուժան Գեղամյան
Գյուղացին պետք է վաճառի իր բերքը հենց գյուղում․ «Ուժեղ Հայաստան»-ը առաջարկում է ստեղծել մթերման կայանների համազգային ցանց
ԱՄՆ-ն կսկսի Պարսից ծոցում նավերի ապահովագրման ծրագիր
Հատվածական որոշումներն ու քայլերը ոչինչ չեն փոխում. «Փաստ»
ԵԽ նախագահ Անտոնիո Կոշտան մարտի 11-ին կայցելի Բաքու
Ջեյհուն Բայրամովը մեկնում է Թուրքիա
«Դպրոցների փակման այս ամբողջ գործընթացը կապված է ծախսերի հետ. այդ ուսուցիչների 90 տոկոսից ավելին կորցնելու է իր աշխատանքը». «Փաստ»
Ճամբարակ-Բերդ ավտոճանապարհը փակ է. Չիվա-Ելփին ավտոճանապարհը և Սպիտակի ոլորանները փակ են կցորդով բեռնատարների համար
Ինչպես միշտ. ասում են մի բան, անում՝ ճիշտ հակառակը. «Փաստ»
Հայաստանի մեծ թվով համայնքներում և բնակավայրերում իրականացված չեն դրանց սպառնացող ռիսկերի գնահատման և ինդեքսավորման գործընթացները. կստեղծվի ուղեցույց. «Փաստ»
Ինչո՞ւ է Հայաստանի պետական սիմֆոնիկ նվագախումբը խուսափում պատասխանել հարցերին. «Փաստ»
Մի ձեռքով տալիս են, մյուսով վերցնում. «Փաստ»
«Թվեր կրակելու» մեկնարկը տրված է. որտե՞ղ են արվել հարցումները. «Փաստ»
Վերջնական որոշում է կայացվել սկանդալային ծեծկռտուքից հետո Արման Ծառուկյանին որակազրկելու հարցում
