Նստել այնտեղ, որտեղ կարելի է և հնարավոր է նստել
Նստակյաց կյանքը անվանում են ժամանակակից կյանքի պատիժը, այսօր աշխատանքի մեծ մասը մարդիկ կատարում են նստած վիճակում, հաճախ հարկ է լինում նստած աշխատել 8-10 ժամ: Հետո վերդառնալով տուն, հոգնած վիճակում մարդը ցանկանում է նստել և հանգստանալ, հեռուստացույց դիտել, նստել համակարգչի առջև: Եվ այսպիսի կենսակերպը հանգեցնում է ճարպակալմանը:
Անբավարար քունը
Ապացուցված է, որ անբավարար քունը անմիջականորեն կապված է ավելորդ կիլոգրամների կուտակման հետ: Բանն այն է, որ ուշ քնելու դեպքում մարդը ցանկություն է ունենում ինչ որ բան ուտել և դա նույնպես դառնում է ճարպակալման պատճառ:
Քիչ քայլելը
Շատ հաճախ մարդիկ գերադասում են տեղափոխվել տրանսպորտային միջոցներով, բարձրանալ վերելակով, նույնիսկ մոռանում են աստիճանների տեղը: Մարդիկ խուսափում են ֆիզիկական ծանրաբեռնվածությունից և դա ևս հանգեցնում է ավելորդ կիլոգրամների կուտակմանը:
Որոշ դեղորայքների ընդունումը
Որոշ հիվանդություններ կարող են քաշի ավելացման պատճառ դառնալ. Հատկապես, եթե նշանակվել է անկողնային ռեժիմ: Որոշ հակադեպրեսանտներ, նեյրոլեպտիկներ, և այլ պրեպարատներ ևս կարող նպաստել քաշի ավելացմանը:
Մարզումները անընդհատ հետաձգելը
Մարդիկ միլիոնավոր պատճառներ են հորինում, որպեսզի հետաձգեն մարզումներով զբաղվելը: Մինչդեռ պետք է սկսել սպորտով զբաղվել հենց այսօր:
Մասնագետները խորհուրդ են տալիս օրական մեկ ժամ քայլել, աստիճանները ոտքով բարձրանալ, որքան հնարավոր է շուտ սկսել մարզումները:
Միգուցե ժամանակն է ազատվել վերոնշյալ վատ սովորություններից:
