Բաղադրիչներ
Լոբի 2 բաժակ
Սոխ 1 հատ
Բուլղարական պղպեղ 2 հատ
Տոմատի մածուկ 2 ճաշի գդալ
Սխտոր 3 ատամիկ
Ջուր 2 բաժակ
Բուսայուղ 1 ճաշի գդալ
Խմելի-սունելի 0,5 թեյի գդալ
Աղ ըստ ճաշակի
Կանաչի ըստ ճաշակի
Պատրաստման եղանակը
Լոբին թրջել ջրում և թողնել 6 ժամ կամ ողջ գիշեր, այնուհետև կիսաեփ անել:
Սոխը մաքրել, կտրատել կիսաշրջանաձև և տապակել բուսայուղով մինչև գեղեցիկ ոսկեգույն երանգ ստացվի, ավելացնել կտրատած բուղարական պղպեղը, եփել 3 րոպե և ավելացնել տոմատի մածուկը: Ավելացնել կիսաեփ լոբին և լցնել 2 բաժակ ջուր (կարելի է սովորական ջրի փոխարեն լցնել լոբու ջուրը) և եփել մարմանդ կրակի վրա մինչև լոբին պատրաստ լինի:
Ավելացնել ճզմած սխտորը, խմելի-սունելին, մանր կտրատված կանաչին, և պահել կրակին 1-2 րոպե:
Կրակից վերցնել, թողնել 10 րոպե հանգստանա և մատուցել, որպես ինքնուրույն ուտեստ կամ որպես խավարտ:
