ՊԱՏՄՈՒԹՅԱՆ ԱՅՍ ՕՐԸ (10 ԱՊՐԻԼԻ). Նոր մարզիչ, նոր կուսակցություն, ինքնաթիռի վթար

ՏՈՆԵՐ

Աշխարհում՝ ֆաշիզմի դեմ դիմադրության շարժման համաշխարհային օրը, շինարարի, Ուկրաինայում՝ Օդեսայի ազատագրման:

ՀԱՅԱՍՏԱՆ

1913-ծնվել է ԽՍՀՄ կրկնակի հերոս, հայ օդաչու Նելսոն Ստեփանյանը:

1992- տեղի է ունեցել Մարաղայի կոտորածը: Ադրբեջանական «Գուրթուլուշ» գումարտակը զրահամեքենաների ուղեկցությամբ ներխուժել է Լեռնային Ղարաբաղի Մարտակերտի շրջանի Մարաղա գյուղ (4660 բնակիչ), որի արդյունքում զոհվել է հինգ տասնյակ խաղաղ բնակիչ:

1994 - հայկական բանակը սկսել է «Թարթառ» օպերացիան: Մարտին մասնակցել է շուրջ 1 500 մարտիկ, 30 միավոր զրահամեքենա, 17 տանկ։ Ադրբեջանական բանակը, օգտագործելով Թարթառ բնակավայրի ամրությունները, համառ դիմադրություն է ցույց տվել:

2002-«Քաղաքացիական ազգային նախաձեռնություն» հասարակական կազմակերպության հիմնադիր Րաֆֆի Հովհաննիսյանը հայտարարել է ընտրություններին մասնակցելու համար նոր ուժի ստեղծման մասին:

2004-ընդդիմությունը, ի դեմս Ալբերտ Բազեյանի, Արտաշես Գեղամյանի, Շավարշ Քոչարյանի, Արամ Սարգսյանի և այլոց, դուրս էր եկել Ազատության հրապարակ ցույցի: 

2014-ԱՄՆ Սենատի արտաքին հարաբերությունների հանձնաժողովը ընդունել է Հայոց Ցեղասպանության փաստը դատապարտող բանաձևը։ 

-կայացել է ՀԱԿ-ի առաջնորդ Լևոն Տեր-Պետրոսյանի, ԲՀԿ նախագահ Գագիկ Ծառուկյանի և «Ժառանգություն» կուսակցության նախագահ Րաֆֆի Հովհաննիսյանի հանդիպումը: 

2016- հայկական կողմին է հանձնվել ապրիլյան պատերազմում զոհվածների մարմինները: Մնացել է միայն մեկ անհայտ կորած:

2017-Petekamutner.am կայքում գործարկվել է ավտոմեքենաների մաքսային արժեքի ավտոմատ հաշվիչը:

2018-Վարդան Մինասյանը նշանակվեց Հայաստանի ֆուտբոլի ազգային հավաքականի մարզիչ: 

ԱՇԽԱՐՀ

1727-ծնվել է գերմանացի ուսուցիչ, խուլ-համրերին սովորեցնելու մեթոդի գյուտարար Սամուել Հեյնիկեն: 

1741-եղել է Մոլվիցի ճակատամարտը (Պրուսիա-Ավստրիա):

1813-մահացել է ֆրանսիացի մաթեմատիկոս, մեխանիկ և աստղագետ Ժոզեֆ Լագրանժը:

1906-ամառանոցային Օզերկի գյուղում սպանել են քահանա Գապոնին:

1912- Սաուտհեմպտոնյան նավահանգստից «Տիտանիկ» զբոսանավը դուրս է եկել իր առաջին և վերջին նավարկությանը:

1932-ծնվել է եգիպտացի հանրահայտ դերասան Օմար Շարիֆը:

1941-գերմանացիների կողմից գրավված Զագրեբ քաղաքում հայտարարվել է Խորվաթիա պետության ստեղծումը:

1963-խորտակվել է ամերիկյան «Տրեշեր» ատոմային սուզանավը, զոհվել են անձնակազմի բոլոր 129 անդամները:

1964-ծնվել է խորհրդային, ուզբեկական և ռուսական էստրադայի աստղ Ազիզան:

1995-Ռուսաստանում գրանցվել է «Գարեջրի սիրահարների» կուսակցությունը:

2010- Սմոլենսկում վթարի է ենթարկվել Տու-154 ինքնաթիռը, զոհվել է 96 մարդ, այդ թվում՝ Լեհաստանի նախագահ Լեխ Կաչինսկին և պետության այլ հայտնի գործիչներ:

Կամո Խաչիկյան