6 վարժություն մեջքի եւ ազդրերի ցավերից ազատվելու համար

ԼԱՅՖ 12 Ապրիլ, 2019 7:02

30-ից բարձր տարիքի մարդկանց համար

Երբեւէ ունեցե՞լ եք մեջքի ու ազդրերի ցավեր կամ խնդիրներ նստատեղի նյարդի հետ: Եթե այո, ապա պետք է կատարեք ձգում-վարժություններ: Դրանք կբարելավեն ճկունությունը, կթեթեւացնեն ցավը եւ կամրացնեն մկանները:

Որպեսզի մեջքը կարողանա դիմագրավել ամենօրյա ծանրաբեռնվածությանը, պետք է ուժեղ ու ճկուն լինի: Ձգումները լավագույն միջոցն են մկանների առողջության համար, անկախ ձեր կենսակերպից:

1. Ուղտի դիրք

Սա յոգայում տարածված վարժություն է: Կանգնեք ծնկների վրա, ոտքերն առանց միմյանց սեղմելու: Ափերը դրեք մեջքի ներքեւի հատվածում: Դանդաղ թեքվեք առաջ: Ձեռքերը ձգեք որքան հնարավոր է ներքեւ: Լավագույն տարբերակում դուք պետք է հասնեք կրունկներին:Եթե չի ստացվում, պարզապես թեքվեք ներքեւ: Դադարեցրեք, եթե մեջքի հատվածում ցավ կզգաք:

2. Թեքում առաջ

Կարելի է կատարել կանգնած եւ նստած: Նստեք հատակին, ոտքերը բացեք որքան հնարավոր է լայն՝ առանց ծնկները ծալելու: Դանդաղ թեքվեք եւ ձեռքերով ձգվեք առաջ: Թուլացրեք պարանոցը: Կանգնած վարժությունը կատարելու համար ոտքերը լայն բացեք, թեքվեք առաջ ձեռքերը ձգելով ներքեւ: Եթե հաջողվի, փորձեք ափերով հպվել հատակին:

3. Գորտի դիք

Կանգնեք չորեքթաթ, ծնկները նարավորինս լայն բացեք: Դանդաղ ծալեք ոտտքերը, իջեցրեք գլուխն ու մարմնի վերեւի հատվածը դեպի հատակը՝ ծալելով մեջքը: Զգացեք մեջքը, որպեսզի այն չափից շատ չծալեք ու չցավեցնեք:

4. Լայն կողային հրում

Կանգնեք ուղիղ, ոտքերը լայն բացեք: Մի փոքր թեքվեք առաջ, ծալեք աջ ոտքը ծնկի հատվածում եւ պպզեք: Ձախ ոտքը պետք է լինի կրունկի վրա, մատները ցցված վերեւ: Ուղղվեք եւ կատարեք մյուս ոտքով:

5. Ձգում «Թիթեռնիկ»

Նստեք հատակին, ծալեք ոտքերն այնպես, որ ներբանները հպվեն իրար: Մեջքը ուղիղ պահեք: Ափերը դրեք ծնկներին եւ թեթեւ սեղմեք հատակին:

6. Նախաբազուկների ձգում

Ուսերը հետ տարեք, ձախ ձեռքը ձգեք առաջ՝ թաթը ներքեւ ափով դեպի ձեզ: Աջ ձեռքով բռնեք ձախը եւ ձգեք դեպի մարմինը՝ չծալոլվ արմունկից: Կատարե նաեւ մյուս ձեռքով: Սա կամրացնի ձեր նախաբազումկներն ու կհեշտացնի ծարություններ վերցնելը:

Անվտանգության կանոններ ձգումների ժամանակ

Եթե նախկինում չեք արել ձգումներ, ապա կատարեք շատ կարճ՝ 10-15 վայրկյան տեւողությամբ: Աստիճանաբար մկանները կձգվեն եւ թույլ կտան երկարացնել ձգումների ժամանակը: Եթե զգում եք ցավեր կամ անհարմարություն, անմիիջապես դադարեցրեք:

Ձգումների ժամանակ չպետք է լինեն կտրուկ շարժումներ:

Առողջ եղեք: