Ի դեպ այս ուտեստը Շառլ Ազնավուրի ամենասիրելի ուտեստներից էր:
Բոլորը գիտեն, որ հավի կրծքամիսը շատ օգտակար դիետիկ մթերք է: Հավի կրծքամսից պատրաստում են տարբեր աղցաններ, ուտեստներ և դրանք բոլորը հիանալի են ստացվում: Այս ուտեստը աչքի է ընկնում համային բարձր հատկանիշներով և օգտակարությամբ: Այն հարուստ է սպիտակուցով և պարունակում է շատ քիչ ճարպեր, 100 գ. պարունակում է ընդամենը 5 գ ճարպ և շուրջ 23 սպիտակուց:
Բաղադրիչներ
3 հավի կրծքամիս
120 գ պանիր
Ձու 1 հատ
Ալյուր
Պաքսիմատ
Աղ և պղպեղ
Պատրաստման եղանակը
Հավի կրծքամսի մի կողմում անցք անել գրրպանիկի տեսքով:
Գրպանիկի մեջ տեղադրել մի կտոր պանիր և մսի եզրերը ատամի չոփիկի օգնությամբ ամրացնել այնպես, որ պանիրը եփվելիս դուրս չգա:
Իրար միացնել աղը, ալյուրը, սև պղպեղը, պաքսիմատը: Ձուն հարել առանձին ամանի մեջ քիչ քանակությամբ սև պղպեղի հետ:
Հավի միսը թավալել նախ ալյուրի մեջ, հետո ձվի, այնուհետև պաքսիմատի:
Տապակել բուսայուղով մոտ 5 րոպե: Այնուհետև եփել ջեռոցում 200 աստիճանի տակ 20 րոպե:
Կարելի է մատուցել որևէ խավարտով կամ որպես ինքնուրույն ուտեստ գեղեցիկ զարդարելով կանաչիով կամ ըստ ցանկության:
