Իմ երեխաները շոկոլադ շատ են սիրում, ուղղակի պաշտում են և ես նրանց համար պատրաստում եմ շոկոլադե մածուկ այս բաղադրատոմսով, մոռացել եմ վերջին անգամ, երբ եմ շոկոլադ գնել խանութից: Ի դեպ, ես այն երբեմն օգտագործում եմ, որպես կրեմ:
Բաղադրիչներ
350 մլ բուսայուղ (ցանկալի է ձիթապտղի յուղ)
100 գ շաքարավազ
150 մլ կաթ
100 գ ընկույզ (ես պատրաստում եմ նուշով)
3 ճաշի գալ կակաո
2 ճաշի գալ կաթի փոշի կամ մանկական կեր
Վանիլին
Պատրաստման եղանակը
Ընկույզը չորացնել թավայի մեջ և մանրացնել փոշու տեսքով:
Շաքարավազը նույնպես մանրացնել փոշու տեսքով:
Կաթին ավեացնել շաքարավազի փոշին, վանիլինը, բուսայուղը և հարել բլենդերով:
Այնուհետև ավելացնել կաթի փոշին, մանրացված ընկույզը, կակաոն, և լավ խառնել:
Ստացվում է շոկոլադե մածուկ: Պահել ապակե տարայի մեջ:
