Պահքի շրջանը ծանր փորձություն է մսակերների և սերուցքային կրեմով թծվածքների սիրահարների համար: Սակայն գոյություն ունի պահքի ուտեստների մեծ տեսականի, որոնք համով չեն զիջում և հնարավոր է ավելի համեղ են, ու նաև գրավում են պահք չպահողներին:
Բրնձով և սնկով այս տոլմաները աչքի են ընկնում իրենց համով և կարող են մատուցվել նաև որպես երկրորդ ուտեստ:
Բաղադրիչներ
Կախասունկ 250 գ
Կաղամբ 1 գլուխ
Բրինձ 100 գ
Տոմատի մածուկ 1 ճաշի գալ
Բուսայուղ 1 ճաշի գալ
Ջուր 200 մլ
Սոխ 0,5 հատ
Աղ, պղպեղ ըստ ճաշակի
Պատրաստման եղանակը
Բրինձը կիսաեփ անել, (եռալուց հետո մոտ 10 – 12 րոպե եփել և քամել):
Սունկը կտրատել:
Սունկը և մանր կտրատված սոխը տապակել բուսայուղով, համեմել աղով և պղպեղով, ավելացնել բրինձը, լավ խառնել: Միջուկը պատրաստ է: Կարելի է ըստ ցանկության ավելացնել նաև կանաչի:
Կաղամբի թերթերը պահել եռացրած ջրում, որ փափկեն (ինչպես արվում է մսով տոլմայի դեպքում): Կոշտ մասերը հեռացնել:
Յուրաքանչյուր թերթիկի վրա լցնել միջուկը և փաթաթել:
Շարել կաթսայի մեջ, վրան լցնել ջրով բացված տոմատի մածուկը, համեմել աղով և պղպեղով ու եփել մարմանդ կրակի վրա 30 րոպե:
Անուշ լինի
Նյութը հրապարակման պատրաստեց՝ Goodinfo-ն
