Թուրքիայում այսօր տեղի կունենա նոր մեջլիսի առաջին նիստը

Թուրքիայում նոյեմբերի 17-ին, 15։00-ին տեղի է ունենալու Ազգային մեծ ժողովի 26-րդ գումարման առաջին նիստը։

Ինչպես տեղեկացնում է Ստամբուլի հայկական «Ակոս»-ը, Թուրքիայի խորհրդարանի առաջին նիստը տեղի է ունենում նախատեսվածի համաձայն՝ ընտրությունների արդյունքը պաշտոնապես հայտարարվելուց 5 օր հետո։

Առաջին օրը տարիքով ամենաավագ պատգամավորը ժամանակավորապես կստանձնի խորհրդարանի նախագահի պաշտոնը։ Նախագահ Ռեջեփ Թայիփ Էրդողանն էլ կրկին Դավութօղլուին կհանձնարարի կազմել կառավարություն։

Նշենք, որ խորհրդարան անցած կուսակցությունները ներկայացված են լինելու պատգամավորների հետեւյալ թվով. «Արդարություն եւ զարգացում»-317, «Ժողովրդա-հանրապետական»-134, քրդական «Ժողովուրդների դեմոկրատական» -59 եւ «Ազգայնական շարժում»-40 պատգամավոր։