Եթե երեխան ախորժակ չունի և վատ է սնվում, ապա նրա մոտ կան առողջական խնդիրներ, որոնց հարկավոր է ուշադրություն դարձնել: Ձեզ ենք ներկայացնում 10 պատճառ, որոնցով կարող է պայմանավորված լինել երեխայի ախորժակի անկումը:
1. Ծկթում են ատամները
Սա վատ ախորժակի հիմնական պատճառներից է: Ատամների ծկթման ընթացքում փոքրիկն իրեն լավ չի զգում, նրան տանջում են ցավն ու տենդը և արդյունքում նկատվում է ախորժակի վատացում ու փսխում:
2. Ճիճուներ
Երեխաները խոցելի են տարատեսակ մակաբույծների համար, որոնք կարող են հանգեցնել փորլուծության, փսխումների և ախորժակի անկման: Նման դեպքերում անհրաժեշտ է անմիջապես դիմել բժշկի:
3. Ջրի ավելցուկ
Երեխաների ստամոքսը փոքր է, ուստի կաթն ու այլ հեղուկները նրան բավական են: Երեխային չափից շատ կերակրելը կամ հեղուկ տալը կարող է բացասաբար ազդել նրա ախորժակի վրա:
4. Առողջական խնդիրներ
Մրսածության դեպքում երեխաների մոտ մյուս ախտանշանների հետ մեկտեղ (հազ, քթի փակվածություն, բարձր ջերմություն, տենդ) նկատվում է ևս մեկը՝ վատ ախորժակ:
5. Գերջերմացում
Չափազանց տաք միջավայրը երեխային դարձնում է դյուրագրգիռ և հանգեցնում է բացասական հետևանքների, ինչպիսիք են՝ փսխումը, ստամոքսի խանգարումը և ցանը: Փոքրիկը նաև կարող է հրաժարվել սննդից: Եթե երեխայի ախորժակը չի բարելավվում, հարկավոր է խորհրդակցել բժշկի հետ:
6. Պինդ սննունդ
Երեխան սովոր է լինում հեղուկ սննդի և նրա համար շատ դժվար է լինում պինդ սննդի անցնելը: Նա բավական երկար ժամանակ կարող է հրաժարվել սննդից, սակայն հետագայում կսկսի հարմարվել:
7. Անեմիա (սակավարյունություն)
Սակավարյունությունը երեխաների ախորժակի կորստի ևս մի կարևոր պատճառ է: Երեխաները, ում օրգանիզմում կա երկաթի պակաս, հաճախ լինում են թույլ, դյուրագրգիռ ու հոգնած, ինչը հանգեցնում է ախորժակի վատացման: Այս դեպքում հարկավոր է փոքրիկի սննդակարգում ներառել երկաթով հարուստ սննդամթերք:
8. Նշիկաբորբ (անգինա)
Վարակիչ հիվանդության ախտանշաններն են բարձր ջերմությունը, կարմրած կոկորդը, նշիկագեղձերի մեծացումն ու ցավը կուլ տալիս, ինչն էլ թույլ չի տալիս երեխային սնվել սովորական ռեժիմով: Այս դեպքում անհրաժեշտ է անհապաղ դիմել բժշկի:
9. Աճի փոփխություն
Երեխաների մոտ հաճախ է լինում աճի արագության տատանումներ, ուստի փոփոխվում են նաև նրանց սովորություններն ու նախընտրությունները և նրանք ոչ միշտ են սննդի անհրաժեշտ քանակի կարիք զգում:
10. Պատվաստումներ
Պատվաստումներից հետո երեխաների մոտ հաճախ նկատվում են մի շարք տհաճ ախտանշաններ, այդ թվում նաև տենդ, ցան, ախորժակի կորուստ և այլն:
