21 –ամյա կինը իր երեքամյա դստերը փակեց տանը և գնաց զվարճանալու: Փետրվարի 20-ին բնակարանում հայտնաբերեցին երեխայի դին: Տեղի ունեցածը փոթորկում է մարդու հոգին:
Մայր կոչեցյալը զբաղված էր իր ուրախ կյանքով, առաջին անգամը չէր, որ երեխային միայնակ էր թողնում: Բայց այս անգամ նա չափն անցավ: Նույնիսկ պատկերացնելն անգամ սարսափելի է. 3-ամյա երեխան տանը միայնակ, առանց որևէ սննդի, առանց ջրի: Հավանաբար երեխան սովին չէր դիմացել և գտնելով լվացքի փոշին, կերել էր այն: Երեխայի դին հայտնաբերել է տատիկը, ով այդ օրը եկել էր թոռնուհուն շնորհավորելու ծննդյան օրվա առիթով:
Տատիկը դուռը բացել էր ու գտել երեխայի անշնչացած մարմինը հատակին:
Մայր կոչեցյալը, մարդու լեզուն չի պտտվում այդ աստվածային բառով կոչել նրան, սոցցանցերում շատ ջերմ խոսքերով շնորհավորել էր դստեր ծննդյան օրը, առանց նույնիսկ մտածելու, թե ինչ է կատարվում այդ պահին երեխայի հետ:
Այժմ նա ձերբակալված է:
Միթե՞ հարևաններից ոչ ոք չէր նկատել այդ կնոջ վարքը, ոչ ոք չէ՞ր լսել երեխայի լացի ձայնը, հարցերը շատ են, իսկ փաստը մեկը՝ 3-ամյա երեխայի մահը:
Դատարանում կինը անամոթաբար հայտարարել էր. «Անկեղծ ասած այդ նվնվան երեխան ինձ զզվեցրել էր»:
