Այս օրը՝ 26 ապրիլի. Գալուստ Սահակյանն առաջադրվել է ԱԺ նախագահի թեկնածու, բացվել են Երևանի փակ փողոցները

ՏՈՆԵՐ ԵՎ ՀԻՇԱՏԱԿԻ ՕՐԵՐ

Մտավոր սեփականության միջազգային օր, Ուկրաինա և Ռուսաստան՝ Ռադիացիոն վթարներից և աղետներից զոհվածների օր, Հայաստան՝ Սահմանապահի օր, Տանզանիա՝ Միավորման օր։

ՀԱՅ-ՀԱՅԱՍՏԱՆ

1860-ծնվել է հայ նշանավոր պատմաբան Լեոն։

2002-Թբիլիսի է մեկնել հայ բժիշկների երկու խումբ՝ անհրաժեշտ օգնություն ցուցաբերելու Վրաստանում տեղի ունեցած ուժեղ երկրաշարժից տուժածներին:

2007-Միացյալ Նահանգների Պետդեպարտամենտի զեկույցում փոփոխվել է Ղարաբաղին վերաբերող ձևակերպումը և վերականգնվել է սկզբնական տարբերակը` «Հայաստանը շարունակում է Լեռնային Ղարաբաղի ադրբեջանական տարածքի և հարակից յոթ շրջանների օկուպացիան»:

2011- մայրաքաղաքի լրագրողական ակումբներից մեկում տեղի է ունեցել հրապարակախոս Տիգրան Պասկևիչյանի՝ «Հայաստանի կորսված գարունը» փաստավավերագրական ֆիլմի շնորհանդեսը, որը պատմում է 2008 թվականի նախագահական ընտրությունների, նախընտրական շրջանի, ինչպես նաև ընտրություններին հաջորդած ողբերգական իրադարձությունների մասին:

2012-Երևանի Վալերի Բրյուսովի անվան պետական լեզվաբանական համալսարանի ուսանողները դասադուլ են հայտարարել՝ բողոքելով բուհի ռեկտոր Սուրեն Զոլյանին հեռացնելու մասին կրթության և գիտության նախարար Արմեն Աշոտյանի որոշման դեմ:

2013-երևանցիների հետ զրուցելով՝ քաղաքով երթ էր կազմակերպել «Հայ Հեղափոխական դաշնակցություն» կուսակցությունը:

2014-Սերժ Սարգսյանի առաջարկով Ազգային ժողովի նախագահի պաշտոնում առաջադրվել է ՀՀԿ փոխնախագահ Գալուստ Սահակյանը:

2015-System of Down աշխարհահռչակ ռոք խմբի վոկալիստ Սերժ Թանկյանը «Թայմ»-ում հրապարակված հոդվածով ներկայացրել է Հայոց ցեղասպանության 100-րդ տարելիցի մասին իր մտորումները։

2017-Հայաստանի շուկաներում ադրբեջանական խնձոր է վաճառվել. սոցցանցերում մի քանի օր առաջ հնչած այս ահազանգին արձագանքելով՝ Սննդամթերքի անվտանգության պետական ծառայությունը (ՍԱՊԾ) նախորդ 3 օրերի շրջայցերի արդյունքում Երևանի ու մարզերի մեծ ու փոքր շուկաներում, նաև պտուղ-բանջարեղենի խանութներում հայտնաբերել է ադրբեջանական ծագման խնձորի իրացման դեպքեր:

2018- «Քաղաքացիական պայմանագիր» կուսակցության առաջնորդ Նիկոլ Փաշինյանը կոչ է արել ցուցարարներին Երևանում բացել բոլոր փակ փողոցները։

ԱՇԽԱՐՀ

121-ծնվել է Հռոմի կայսր, փիլիսոփա Մարկ Ավրելիոսը։

1478-Ֆլորենցիայում Մեդիչիների ընտանիքի դեմ Պացցիայի դավադրության արդյունքում վիրավորվել է Լորենցո Մեդիչին, սպանվել է նրա եղբայր Ջուլիանոն։

1575-ծնվել է ֆրանսիայի թագուհի Մարիա Մեդիչին:

1607-Վիրջինիայի Հենրի հրվանդանում ափ են իջել Ամերիկայի առաջին անգլիացի վերաբնակիչները։

1795-Ռուսաստանին է միացել Կուրլանդիան։

1812-ծնվել է գերմանացի գործարար, մետաղաձուլական և մեքենաշինական «Կրուպպ» կոնցեռնի հիմնադիր Ալֆրեդ Կրուպպը։

1828-Ռուսական կայսրությունը պատերազմ է հայտարարել օսմանյան կայսրությանը։

1920-հայտարարվել է Խորեզմի Ժողովրդական Սոցիալիստական Հանրապետության կազմավորման մասին։

1921-Լոնդոնի փողոցներում հայտնվել են առաջին ոստիկանական պարեկները մոտոցիկլներով։

1942-Չինաստանի Բենսենի հանքահորի վթարի արդյունքում զոհվել է մոտավորապես 1547 անձ։

1954-ԽՍՀՄ Գերագույն խորհուրդը հաստատել է Ղրիմի մարզի փոխանցումը ՌԽՖՍՀ-ից Ուկրաինական ԽՍՀ-ին և համապատասխան փոփոխություններ է մտցրել Սահմանադրության մեջ։

1964-Տանգանիկան և Զինբաբվեն միավորվել են՝ ստեղծելով Տանզանիայի Հանրապետությունը։

1966-տեղի է ունեցել Տաշքենդի ավերիչ երկրաշարժը՝ ութ բալ ուժգնությամբ։

1970-ծնվել է ԱՄՆ-ի 45-րդ նախագահ Դոնալդ Թրամփի կինը՝ ամերիկացի մոդել և դիզայներ Մելանյա Փրամփը։

1986-տեղի է ունեցել վթար Չեռնոբիլի ատոմակայանում, որը համարվում է մարդկության պատմության ամենախոշոր տեխնոգեն աղետներից մեկը։

1994- Նագոեում վթարվել է Ա-300 մարդատար ինքնաթիռը, զոհվել է 264 մարդ։

1999-Չեռնոբիլ անունով վիրուսը վնասել է ավելի քան կես միլիոն համակարգիչ աշխարհով մեկ։

Կամո Խաչիկյան