Դրամական միջոցներն ավելացել են. ՀԾԿՀ նոր ղեկավարի ունեցվածքը

Հանրային ծառայությունները կարգավորող հանձնաժողովի նորանշանակ նախագահ Գարեգին Բաղրամյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018թ. տարեկան հայտարարագիրը:

Նշենք, որ մինչ ՀԾԿՀ նախագահ նշանակվելը Գարեգին Բաղրամյանը զբաղեցնում էր ՀՀ էներգետիկ ենթակառուցվածքների և բնական պաշարների նախարարի պաշտոնը:

Հանձնաժողովի կայքում հրապարակված տարեկան հայտարարագրից տեղեկանում ենք, որ Գ. Բաղրամյանի դրամական միջոցները 2018թ. հարկային տարվա սկզբում կազմել են 27 000 ԱՄՆ դոլար և 5 800 000 ՀՀ դրամ: Հարկային տարվա վերջում դրամական միջոցներն ավելացել են՝ համապատասխանաբար կազմելով 31 500 ԱՄՆ դոլար և 7 800 000 ՀՀ դրամ: Հարկային տարում հանձնած կամ վերադարձրած փոխառությունները ենթաբաժնում էլ նշված է, որ հարկային տարվա վերջում փոխառության գումարը կազմել է 500 000 ՀՀ դրամ:

Գարեգին Բաղրամյանի եկամուտների հանրագումարը 2018թ. հարկային տարում կազմել է շուրջ 12 831 285 ՀՀ դրամ:

Նշված հանրագումարից 3 489 503 ՀՀ դրամը, 4 995 892 ՀՀ դրամը և 475 230 ՀՀ դրամը գոյացել են երեք աշխատավարձերից:

Տրված փոխառությունների (վարկերի) դիմաց ստացված տոկոսը և այլ հատուցումը ենթաբաժիններում էլ նշված է 1 045 528 ՀՀ դրամ, շուրջ 127 507 ՀՀ դրամ և շուրջ 68 917 ՀՀ դրամ եկամուտների մասին:

Վերոնշյալ հանրագումարից 2 589 648 ՀՀ դրամը և 39 059 ՀՀ դրամն այլ եկամուտներ են:

ԱՆՆԱ ԲԱԴԱԼՅԱՆ