Աստղեր, որոնք թաքցրել են հղիության փաստը

Մի խումբ հայտնիներ գերադասել են թաքցնել հղիության փաստն ընդհուպ մինչեւ ծննդաբերությունը։

Դրյու Բերիմոր

Դերասանուհին տեսախցիկների նշանառության տակ է դեռ մանուկ հասակից. 11 ամսական Դրյուն արդեն նկարահանվել է գովազդում։ Սակայն իր երեխաներին դերասանուհին գերադասում է հեռու պահել հանրությունից։ Առաջին հղիության ընթացքում Բերիմորը գրեթե մինչ ծննդաբերությունը թաքնվել է պապարացիներից։ Երկրորդ հղիության ընթացքում նա եւս փորձել է այն գաղտնի պահել, սակայն փաստն արագ բացահայտվել է, եւ աստղը հաստատել է այն։

Աննա Կուրնիկովա

Նախկին մարզիկն արդեն 15 տարի է՝ ապրում է երգիչ Էնրիկե Իգլեսիասի հետ, սակայն գրեթե ոչինչ չի պատմում հարաբերությունների մասին։ Այս տարվա հունվարին հայտնի է դարձել, որ զույգը երկվորյակներ է ունեցել։ Կուրնիկովային ոչ ոք չի տեսել հղի վիճակում, այդ պատճառով արագ տեղեկություններ տարածվեցին այն մասին, որ զույգը դիմել է փոխնակ մոր օգնությանը։ Սակայն երաժիշտի քույրը հերքել է դրանք։

Բլեյք Լայվլի

Լայվլիին եւ նրա ամուսնուն՝ դերասան Ռայան Ռեյնոլդսին, անվանում են հոլիվուդի ամենափակ աստղեր։ Նրանք ամուսնացել են գաղտնիության պայմաններում, երկար ժամանակ չեն մեկնաբանել թե առաջին, թե երկրորդ հղիության մասին լուրերը։ Իսկ երբ երեխաները լույս աշխարհ են եկել, շաբաթներով չեն հայտնել նրանց սեռն ու անունները։

Եվա Մենդես

2014թ.-ին ծննդաբերությունից երկու ամիս առաջ հայտնի դարձավ, որ Եվա Մենդեսը հղի է։ Նրա առաջին հղիության մասին հանրությանը հայտնի է դարձել դստեր լույս աշխարհ գալուց երկու շաբաթ առաջ։ Երկու դեպքում էլ ոչ Եվան, ոչ նրա ամուսինը՝ Ռայան Գոսլինգը, ոչինչ չեն մեկնաբանել։

Պոլինա Գագարինա

2017թ.-ի ապրիլի 26-ին երգչուհին հաստատել է հղիության մասին լուրերը՝ Instagram-ում լողազգեստով լուսանկար հրապարակելով։ Ընդամենը մեկ օր անց հայտնի դարձավ, որ Գագարինայի երեխան լույս աշխարհ է եկել։

 

Աղբյուրը եւ լուսանկարները՝ Cosmo, Star Magazine, ENEWS, Glamour UK, Marie Claire,