ՊԱՏՄՈՒԹՅԱՆ ԱՅՍ ՕՐԸ (4 ՄԱՅԻՍԻ). Փու­չիկ­նե­րի պայ­թյու­նից՝ բազ­մա­թիվ տու­ժած­ներ

ՏՈՆԵՐ ԵՎ ՀԻՇԱՏԱԿԻ ՕՐԵՐ

Զամբիա՝ Աշխատանքի օր, Չինաստան՝ Երիտասարդության օր, Լատվիա՝ Անկախության վերականգնման օր, Հոլանդիա՝ Հիշատակի օր, Ճապոնիա՝ Կանաչ բնության օր։

ՀԱՅ-ՀԱՅԱՍՏԱՆ

1934-ծնվել է հայ խորհրդային արվեստաբան –նկարիչ Եղիշե Մարտիկյանը։

1913-Երևանում սկսել է գործել հեռախոսային ցանցը։

1933-մահացել է հայ կոմպոզիտոր, խմբավար Սպիրիդոն Մելիքյանը։

1940-ծնվել է խեցեգործ-ձևավորող Վլադիմիր Աթանյանը։

1975-ծնվել է ամերիկահայ ռոք-երաժիշտ, դիջեյ Էնդի Խաչատրյանը։

2004-Հայաստանյան միացյալ ընդդիմությունը՝ «Արդարություն» դաշինքը, «Ազգային միաբանություն» կուսակցությունը և Հայաստանի կոմունիստական կուսակցությունը, Ազատության հրապարակում հրավիրած բազմահազարանոց հանրահավաքում բողոքի ակցիաների տասնօրյա ընդմիջում են հայտարարել:

2005- տեղի է ունեցել «Փողերի լվացման և ահաբեկչության ֆինանսավորման դեմ պայքարի գործուն համակարգի ներդրումն ու կայացումը ՀՀ-ում» թեմայով միջազգային համաժողովը:

2006- Հայաստանի կառավարության նիստում պահուստային ֆոնդից գումարներ են հատկացվել Սոչի-Երևան ինքնաթիռի վթարի հետևանքով զոհվածների աճյունների տեղափոխման ու նրանց հուղարկավորության ծախսերը հոգալու նպատակով։ Յուրաքանչյուր զոհվածի ընտանիք ստացել է 1,5 միլիոն դրամ օգնություն:

2007 -Ախալքալակի ռազմակայանի գույքով բեռնված շարասյունը հատել է վրաց-֊ հայկական սահմանը և օրվա երկրորդ կեսին հասել Գյումրի: 

2011-մի քանի ժամ շարունակված թեժ քննարկումներից հետո Ֆրանսիայի Սենատը ըստ էության մերժել է Հայոց ցեղասպանությունը ժխտելու համար պատիժ սահմանող օրինագիծը։

2012-Երևանի Հանրապետության հրապարակում, որտեղ նախատեսված էր ՀՀԿ-ի եզրափակիչ հանրահավաքը, տեղի է ունեցել արտակարգ պատահար։ Հանրահավաքին նախորդած համերգի ընթացքում բռնկվել են հանրահավաքին մասնակցող երիտասարդների ձեռքերում գտնվող գազով լեցուն հարյուրավոր փուչիկները։ Կան բազմաթիվ տուժածներ։

2015- Վաշինգտոնում ստորագրվել է Հայաստանի և Միացյալ Նահանգների կառավարությունների միջև տարիներ շարունակ բանակցված «Առևտրի և ներդրումների մասին» համաձայնագիրը, որի նպատակն է նպաստել երկու երկրների միջև առևտրի և ներդրումների ընդլայնմանը

ԱՇԽԱՐՀ

1655-ծնվել է երաժշտական գործիքների իտալացի վարպետ, դաշնամուրի ստեղծող Բարտոլոմեո Քրիստոֆորին։

1715-Փարիզում արտադրվել է առաջին ծալովի անձրևանոցը։

1772-ծնվել է գերմանացի հրատարակիչ, առաջին հանրագիտարանի ստեղծող Ֆրիդրիխ Առնոլդ Բրոկհաուզը։

1776- հայտարարվել է Ռոդ-Այլենդ կղզու անկախությունը, որը ներկայումս ԱՄՆ-ի նահանգ է։

1807-Պարսկաստանի և Ֆրանսիայի միջև կնքվել է Ֆինկենշտեյնյան պայմանագիրը։

1838-մշակույթի գործիչները հետ են գնել Տարաս Շևչենկոյին ճորտությունից։

1848-բացվել է Ֆրանսիայի սահմանադիր ժողովը։

1878-օպերային թատրոնում Թոմաս Ալվա էդիսոնը առաջին անգամ մասսայական ցուցադրել է իր հայտնագործությունը՝ ֆոնոգրաֆը։

1881-ծնվել է ռուս քաղաքական և հասարակական գործիչ, ժամանակավոր կառավարության նախագահ Ալեքսանդր Կերենսկին։

1899-ծնվել է գերմանացի գործարար և գյուտարար, հրթիռատեխնիկայի պիոներ Ֆրից ֆոն Օպելը։

1904-սկսվել է Պանամայի ջրանցքի կառուցումը։

-Անգլիայում Հենրի Ռոյսը և Չարլզ Ռոլլսը սկսել են «Ռոլլս-Ռոյս» ավտոմեքենաների արտադրությունը։

1927-ԱՄՆ-ում ստեղծվել է Կինոմշակույթի ակադեմիան, որը շուտով սահմանել է «Օսկար» կինոմրցանակը։

1928-ծնվել է եգիպտացի ռազմական և քաղաքական գործիչ, Եգիպտոսի նախագահ Հոսնի Մուբարեքը։

1935-Ստալինը կարմիր սպաների ավարտական հանդիպման ժամանակ ասել է իր հանրահայտ «Կադրերը որոշում են ամեն ինչ» արտահայտությունը։

1961-ԽՍՀՄ-ում ընդունվել է օրենք պորտաբույծների դեմ պայքարի ուժեղացման նպատակով։

1966-Թուրինում իտալական «Ֆիատ» ընկերությունը համաձայնագիր է ստորագրել ԽՍՀՄ-ի Տոլ յատի քաղաքում մարդատար ավտոմեքենաներ արտադրելու վերաբերյալ։

1970-ամերիկյան Կենտ քաղաքի համալսարանում Ազգային գվարդիան կրակ է բացել ուսանողական ցույցի մասնակիցների ուղղությամբ, որոնք բողոքում էին Կամբոջա ԱՄՆ-ի բանակի ներխուժման դեմ, 4 ուսանող զոհվել է։

1979-Մեծ Բրիտանիայի վարչապետ է առաջին անգամ դառնում կինը՝ Մարգարետ Թետչերը։

1980-մահացել է հարավսլավ քաղաքական գործիչ, երկրի նախկին նախագահ Իոսիպ Բրոզ Տիտոն։

1995-Էկվադորում պատահած ավիավթարի հետևանքով մահացել է Արգենտինայի ամենախոշոր նավթային ընկերության նախագահ Խոսե Էստենսսորոն։

2000-առաջին անգամ հայտնվել է «I love you» համակարգչային վիրուսը։

2008-մահացել է նորզելանդացի դեղագործ, միանգամյա օգտագործման ներարկիչի գյուտարար Կոլին Մյորդոկը։

Կամո Խաչիկյան