Ճիշտ հարաբերությունների նախանշաններ

Ինչպիսի՞ն պետք է լինեն իդեալական հարաբերությունները: Եկեք հասկանանք, թե մեզ ինչ է պետք կայուն հարաբերությունների համար եւ ինչպիսին պիտի լինեն դրանք իդեալական տարբերակում. 

Դուք հարգում եք ձեր տարբերությունները եւ դրանք օգտագործում եք ի շահ ձեզ:  Իմ կարծիքով դա ամենից լավ կարելի է ներկայացնել՝ սպորտի հետ համեմատելով:  Ամեն թիմում տարբեր կարողություններ ունեցող մասնակիցներ կան: Ոմանք լավ փոխանցում են անում, մյուսները արագ վազում են, բայց համերաշխ գործելու դեպքում իրոք լավագույն արդյունք են ցույց տալիս:  Նույնն էլ հարաբերություններում է:  Երկու զուգընկերն էլ պիտի հասկանան, որ իրենցից յուրաքանչյուրն այնպիսի արժանիքներ ունի, որոնք մյուսը չունի եւ միայն միասնության մեջ կկարողանաք փոխադարձ լրացնել իրար: Միայն միասնականությամբ է թիմը հաղթում:  

Դուք վիճում եք: Ոչ հաճախ եւ ոչ կոպտորեն: Բայց եթե ձեր միջեւ վեճ է ծագում, նշանակում է` ձեզնից յուրաքանչյուրը սեփական կարծիք ունի, ընդ որում, դուք բավականաչափ ուժեր ունեք ձեր դիրքորոշումը փաստարկելու համար:  Եվ դա լավ է:  Փաստարկների բացակայությունը կարող  է միայն գաղտնի զգացմունքների մասին վկայել եւ սեփական կարծիքը հայտնելիս  100 տոկոսանոց ազնվության բացակայության: Անդորրը պահպանելու նպատակով լռելը եւ սեփական զգացմունքները զսպելը հաճախ թյուրըմբռնման կարող է հանգեցնել ու նույնիսկ հարաբերությունների խզման: 

Դուք դադարում եք թաքցնել ձեր թերությունները:  Կատարյալ մարդիկ գոյություն չունեն: Եթե դուք դիտավորյալ թաքցնում եք թերությունները, ձեզ ոչ բնորոշ դեր եք խաղում, զուգընկերոջ առաջ դիմակ եք հագնում, նա չի կարողանա բացահայտել ձեր իսկական էությունը:  Նորմալ հարաբերությունները կառուցվում են անկեղծության վրա: Եթե ձեր միջեւ զգացմունքներ կան, ձեզ կսիրեն եւ կգնահատեն ձեր բոլոր արատների եւ թերությունների հետ միասին:  

Դուք քննարկում եք սեքսի թեման: Շփումը երջանիկ, առողջ հարաբերությունների բանալին է:  Ինտիմ թեման պիտի առաջին հերթին քննարկվի, չէ՞ որ երկու զուգընկերը պիտի իրենց բավարարված զգան:  Հասկացեք, իրար սիրող չափահասների միջեւ արգելված թեմաներ չպիտի լինեն:  

Դուք կարողանում եք միասին լռել: Պատահե՞լ է, որ միասին նույն սենյակում լինեք եւ վայելեք լռությունը:  Ու միաժամանակ ձեզ շփոթված չզգաք, դուք լավ եք զգում միասին, վայելում եք իրար ընկերակցությունը: Այնքան կարեւոր է երբեմն միասին լռելը: 

Դուք պահպանում եք ձեր անհատականությունը: Վերադառնանք առաջին կետին` սպորտի հետ համեմատությանը:  Եթե դուք անընդհատ փորձում եք փոխանցումներ իրականացնել այնպես, ինչպես դա անում է փոխանցման մասնագետ մարզիկը, աստիճանաբար կորցնում եք թիմում ձեր դերը, որովհետեւ փորձում եք նմանվել այլ խաղացողի:  Նույնն էլ հարաբերություններում է: Դուք պիտի հասկանաք, որ ցանկացած հարաբերությունում պիտի մնաք այն, ինչ կաք: Չարժե նմանվել որեւէ մեկին, պետք չէ իրավիճակի զոհը դառնալ: Անիմաստ ինքնազոհողությունները ձեզ «փալաս» կդարձնեն: Դուք երջանիկ չեք դառնա, ավելին` չեք համարձակվի զուգընկերոջն ասել, թե ինչ եք ուզում ամենից շատ:

Դուք հարգում եք իրար անձնական կյանքը: Այո, դուք թիմ եք, մեկ միասնություն, ձեր նշանաբանն է.  «Այն ամենը, ինչ իմն է, քոնն է, այն, ինչ քոնն է, իմն է»: Հրաշալի է: Բայց չարժե մոռանալ, որ դուք երկու տարբեր մարդ եք, որոնցից յուրաքանչյուրն իրավունք ունի որոշակի անձնական կյանքի, որն արժանի է հարգանքի:  Դա չի նշանակում, թե  պետք է հետեւել իրար կամ ստուգել հեռախոսային հաղորդագրությունները: Բացառություն է, երբ դրա համար լուրջ պատճառ կա:  Մնացած դեպքերում մի չարաշահեք վստահությունը, եւ ձեր հարաբերությունները իդեալական կլինեն:  Դուք վստահում եք իրար: Վստահությունը ցանկացած հարաբերության հիմքն է:  Առանց վստահության, դուք չեք կարողանա հանգիստ սրտով թողնել, որ ձեր զուգընկերը հանդիպի ընկերներին կամ նույնիսկ աշխատանքի գնա: Նման հարաբերություններն անընդհատ կավերվեն, մինչեւ որ բաժանվեք: 

Արգելված թեմաների բացակայություն: Հաճախ իրար հետ ապրող մարդկանց միջեւ թյուրիմացություններ են ի հայտ գալիս, որոնք քննարկման կարիք ունեն: Եթե հարազատ մարդուն չվիրավորելու համար խուսափեք բարդ զրույցներից, դա կհանգեցնի ավելորդ չարտահայտվածության եւ լարվածություն կմտցնի ձեր հարաբերություններում: Փորձեք հանգիստ եւ հարգալից բացատրել ձեր դիրքորոշումն ու զգացմունքները: 

Դուք ընդունում եք իրար անցյալը: Ձեզանից յուրաքանչյուրը անցյալ ունի: Ձեզ համար բացահայտելով մարդուն` դուք պիտի հարգանքով եւ ըմբռնումով մոտենաք նրա անցյալին:  Հրաժարվելով լսել մոտ մարդու կյանքի պատմությունը, դուք ցույց եք տալիս, որ չեք ցանկանում նրան ընդունել այնպիսին, ինչպիսին եղել է եւ կա:  Նորմալ հարաբերություններում քննարկման բոլոր թեմաները պիտի բաց լինեն:

Միաժամանակ կարեւոր է հասկանալ, որ կարեւորը միայն ներկան է, իսկ անցյալը ընդմիշտ կմնա միայն անցյալում: 

Աղբյուրը` Creu

NEWS.am STYLE