Հրայր Թովմասյանի ունեցվածքը. ի՞նչ միջոցներ ու եկամուտ է հայտարարագրել ՍԴ նախագահը

Սահմանադրական դատարանի նախագահ Հրայր Թովմասյանը Բարձրաստիճան պաշտոնատար անձանց էթիկայի հանձնաժողովին է ներկայացրել 2018 թվականի տարեկան հայտարարագիրը:

Հայտարարատու պաշտոնատար անձի հարկային տարում հանձնած կամ վերադարձած փոխառությունները ենթաբաժնից տեղեկանում ենք, որ հարկային տարվա վերջում Հ. Թովմասյանի փոխառության չափը կազմել է 60 000 ԱՄՆ դոլար:

Հայտարարատու պաշտոնատար անձի դրամական միջոցները հարկային տարվա սկզբում կազմել են 45 000 ԱՄՆ դոլար և 70 000 000 ՀՀ դրամ: 2018թ. հարկային տարվա վերջում դրամական միջոցները համապատասխանաբար կազմել են 65 000 ԱՄՆ դոլար և 25 000 000 ՀՀ դրամ:

ՍԴ նախագահի տարեկան հայտարարագրում առկա չեն տվյալներ շարժական և անշարժ գույքի վերաբերյալ: 2018 թվականին Հ. Թովմասյանի եկամուտների հանրագումարը կազմել է 8 809 867 ՀՀ դրամ: Նշված հանրագումարից 7 445 733 ՀՀ դրամը և 1 141 140 ՀՀ դրամը գոյացել են աշխատավարձերից: Տրված փոխառությունների (վարկերի) դիմաց ստացված տոկոսը և այլ հատուցումը ենթաբաժնում էլ նշված է 222 994 ՀՀ դրամ եկամտի մասին:

ԱՆՆԱ ԲԱԴԱԼՅԱՆ