ՊԱՏՄՈՒԹՅԱՆ ԱՅՍ ՕՐԸ (22 ՄԱՅԻՍԻ). Արթուր Բաղդասարյանը հրաժարականի դիմում է ներկայացրել, իսկ Տարոն Մարգարյանն ընտրվել է թաղապետ

ՏՈՆԵՐ ԵՎ ՀԻՇԱՏԱԿԻ ՕՐԵՐ

Կենսաբանական բազմազանության միջազգային օր, Ղըրղըզստան՝ Զինված ուժերի օր։

ՀԱՅ-ՀԱՅԱՍՏԱՆ

1812-ծնվել է հասարակական և կրոնական գործիչ Գաբրիել Այվազյանը։

1907-ծնվել է կոմպոզիտոր Գուրգեն Ալեմշահը։

1924-ծնվել է մեծն շանսոնյե Շառլ Ազնավուրը։

1929-ծնվել է դերասան Արմեն Խոստիկյանը։

1939-ծնվել է ռազմական գործիչ, գեներալ Արկադի Տեր-Թադևոսյանը՝ Կոմանդոսը։

1950-ծնվել է լեզվաբան Լավրենտի Միրզոյանը;

1960-ծնվել է հայ նկարիչ Գագիկ Ղազանչյանը։

1988-Երևանում սկսվել է նստացույց ԼՂՀ-ի շրջկոմի դիմումին ընթացք տալու պահանջով։

2005- Հայաստանի վարչապետ Անդրանիկ Մարգարյանի որդին՝ 27-ամյա Տարոն Մարգարյանը, ընտրվել է Ավանի թաղապետ:

2006-Հայաստանի Ազգային ժողովի նախագահ Արթուր Բաղդասարյանը հրաժարականի դիմում է ներկայացրել:

2012- երեկոյան տեղացած ուժեղ կարկուտը մեծ վնաս է հասցրել Տաշիրի տարածաշրջանի Լեռնահովիտ համայնքին:

2018-որոշվել է, որ պետական բուհերն իրենց բյուջեի 2 տոկոսն այլևս չեն փոխանցելու Հայաստանի երիտասարդական հիմնադրամին:

ԱՇԽԱՐՀ

337-մահացել է Հռոմի կայսր Կոնստանտին 1-ին Մեծը։

853-Նորվեգիայի թագավորի որդի Օլաֆ Սպիտակն ընդունել է վիկինգների և դանիացիների հպատակությունը Իռլանդիայում և Դուբլինը հայտարարել է մայրաքաղաք։

1455-Սենտ Օլբանսի առաջին ճակատամարտով սկսվել է Կարմիր և Սպիտակ վարդերի պատերազմը։

1807-ադմիրալ Սենյավինի ղեկավարած Ռուսական Կայսրության ռազմածովային նավատորմը ջախջախել է թուրքական նավատորմին Դարդանել յան ճակատամարտում։

1813-ծնվել է գերմանացի կոմպոզիտոր Ռիխարդ Վագները։

1859-ծնվել է հայտնի անգլիացի գրող, Շերլոկ Հոլմսի կերպարի ստեղծող Արթուր Կոնան Դոյլը։

1868-Ինդիանա նահանգի Մարշվիլդա բնակավայրի մոտ տեղի է ունեցել գնացքի «դարի կողոպուտը»։

1879-ծնվել է ուկրաինացի ռազմական և քաղաքական գործիչ Սեմյոն Պետլ յուրան։

1885-մահացել է ֆրանսիացի գրող Վիկտոր Հյուգոն։

1892-Նյու Յորքում բժիշկ Վաշինգտոն Շեֆֆիլդը արտոնագրել է ատամի մածուկը։

1900 -Նյու Յոր քում հիմ նադր վ ե լ է Associated Press տեղեկատվական գործակալությունը։

1906-Ռայտ եղբայրները արտոնագրել են իրենց թռչող սարքը՝ ինքնաթիռը։

1926-Իտալիայում Մուսոլլինին արգելել է գեղեցկության մրցույթները՝ նման միջոցառումները անվանելով անբարոյական։

1950-Չինաստանի կառավարությունը Տիբեթին առաջարկել է տարածքային ինքնավարություն՝ այդ տարածքում կոմունիստական իշխանություն հաստատելու պայմանով։

1960-Հարավային Ամերիկայում տեղի է ունեցել Մեծ չիլիական երկրաշարժը։

2007-Թուրքիայի Անկարա քաղաքի պատմական կենտրոնում տեղի է ունեցել ահաբեկչական գործողություն, զոհվել է մի քանի մարդ։

2010-Հնդկաստանի Մանգալուրե տարածքում վթարվել է Բոինգ-737 ինքնաթիռը, զոհվել է 158 մարդ։

Կամո Խաչիկյան