Բացվեց «Բարի Սամարացի» ընկերության 5-րդ ֆիրմային խանութը

ՀԱՍԱՐԱԿՈՒԹՅՈՒՆ 29 Մայիս, 2019 12:22

«Բարի Սամարացի» ընկերության պահանջարկը գնալով աճում է, և հաճախորդների ցանկություններն իրականություն դարձնելու համար օրերս, մայրաքաղաքում բացվեց «Բարի Սամարացի» ընկերության հերթական ֆիրմային խանութը:

Բացման հանդիսավոր արարողության մասնակիցները Orer.am-ի հետ զրույցում ուրախությամբ նշեցին, որ խանութի բացումն իսկական տոն է իրենց համար, քանի որ ընկերության կողմից արտադրվող էկոլոգիապես մաքուր և բարձրորակ մսամթերքից պատրաստված ողջ արտադրանքն այլևս ներկայացված կլինի մեկ տեղում և իրենք ստիպված չեն լինի իրենց նախընտրելի մսամթերքը գնելու համար այցելել սուպերմարկետներ:

«Մեր ընտանիքը երկար տարիներ է միայն օգտվում է «Բարի Սամարացի» ընկերության կողմից արտադրած ապրանքատեսականուց, քանի որ այն համեղ է, թարմ է և շատ օգտակար: Մեր ընտանիքում միայն այս ընկերությունից ենք օգտվում: Այլ ապրանքանիշների արտադրանքը չեն գնում, քանի որ «Բարի Սամարացի» ընկերությունը երկար տարիներ լինելով մեր կողքին կարողանում է այնպիսի որակյալ մսամթերք առաջարկել սպառողին, որ այլ ընկերությունների արտադրանքը փորձելու կարիք չի լինում»,- ասաց Մարուսյա Հակոբյանը:

Մասնաճյուղի տնօրեն Արմեն Գալստյանը Orer.am-ի հետ զրույցում նշեց, որ «Բարի Սամարացի» ընկերության արտադրած մսամթերքն ու կիսաֆաբրիկատները մեծ սպառում ունեն մայրաքաղաքում: Հաշվի առնելով դա, ընկերությունը որոշում է կայացրել բավարարել բնակիչների պահանջը և նրանց նախընտրած վայրում բացել հերթական մասնաճյուղը:

«Ինչպես տեսնում եք, «Բարի Սամարացի» ընկերության կողմից արտադրվող սննդամթերքի ողջ տեսականին այստեղ ներկայացված է: Խանութի բացմանը մասնակցում են բավականին շատ հաճախորդներ: Նրանք իրենց գոհունակությունը հայտնեցին, որ ֆիրմային խանութ բացելով իրենք հնարավորություն կունենան մեր արտադրանքն ամբողջությամբ ներկայացված տեսնել մեկ տեղում: Հաճախորդները հնարավորություն ունեն լայն ընտրություն կատարելու, ինչն էլ ուրախացրել է մեր սպառողներին»,- ասաց Ա. Գալստյանը:

Ովքեր դեռ չեն հասցրել ծանոթանալ «Բարի Սամարացի» ընկերության արտադրանքին նա խորհուրդ տվեց մեկ անգամ փորձել: Ֆիրմային խանութի տնօրենը համոզված է նաև, որ իրենց արտադրանքը մեկ անգամ փորձելուց հետո, այլևս այլ մսամթերք չեն փնտրի շուկայում, քանի որ, ինչպես հայտնի է, «Բարի Սամարացի» ընկերությունը իր հաճախորդներին մշտապես թարմ մսից պատրաստված, էկոլոգիապես մաքուր և անվնաս սննդամթերք է առաջարկում, ինչն էլ չի վրիպում համադամասեր սպառողի աչքից:

«Ցանկանում եմ, որ սպառողները միշտ ընտրի որակյալ սննդամթերքը, որպեսզի առողջ լինի: Մենք էլ մեր կողմից ենք ամեն ինչ անում, որպեսզի սպառողները մշտապես այնպիսի բարձր տրամադրություն ունենան, ինչպիսին ունեն այսօր»,- ասաց Ա. Գալստյանը:

Խանութի բացման արարողության ժամանակ ներկաներին զվարճացնելու և տոնական բարձր տրամադրություն ապահովելու համար ընկերությունը հրավիրել էր նաև դերասանների, ովքեր ամեն ինչ արեցին, որ օրն իսկապես երկար հիշվի բոլոր ներկաների համար: