ՊԱՏՄՈՒԹՅԱՆ ԱՅՍ ՕՐԸ (19 ՀՈՒՆԻՍԻ). Նոր­քի ան­տա­ռում մեծ հրդեհ է բռնկվել, իսկ քա­ղա­քա­ցին ինք­նահր­կիզ­ման փորձ է կա­տա­րել

ՏՈՆԵՐ ԵՎ ՀԻՇԱՏԱԿԻ ՕՐԵՐ

Քուվեյթ՝ Անկախության օր, ԱՄՆ՝ Ստրուկների ազատության օր, Տրինիդադ և Տոբագո՝ Աշխատանքի օր, Ալժիր՝ Հեղափոխության օր, Մերձդնեստրյան Հանրապետություն՝ Բենդերյան ողբերգության զոհերի հիշատակի օր:

ՀԱՅ-ՀԱՅԱՍՏԱՆ

1920– «Նեմեսիս» գործողության շրջանակներում Արամ Երկանյանը գնդակահարել է Ադրբեջանի նախկին վարչապետ Ֆաթալի Խան Խոյսկիին և վիրավորել նրա ընկեր Խան Մահմադովին` Բաքվի խորհրդարանի «Մուսաֆաթ» կուսակցության հիմնադրին:

1936-վախճանվել է ֆիզիկոս-տեսաբան, ֆիզմաթ գիտությունների դոկտոր, ակադեմիկոս Ռուդոլֆ Մուրադյանը:

1996 թ. – վախճանվել է պոզիտրոնային ճառագայթման տոմոգրաֆիայի ստեղծողներից մեկը՝ հայազգի ֆիզիկոս, գյուտարար Մայքլ Տեր-Պողոսյանը:

2001-վախճանվել է քանդակագործ, նկարիչ և մանկավարժ Սարգիս Բաղդասարյանը:

2003-վարչապետ Անդրանիկ Մարգարյանը Ազգային ժողովին է ներկայացրել կառավարության գործունեության քառամյա ծրագիրը՝ ընդդիմադիր «Արդարություն» դաշինքի և «Ազգային միաբանության» պատգամավորների բացակայությամբ:

2005- ԱՄՆ Նյու Ջերսի նահանգի Գլխավոր ասամբլեան միաձայն ընդունել է Հայոց ցեղասպանությունը ճանաչող բանաձև, իսկ նահանգի կրթության հանձնաժողովը հաստատել է Հայոց ցեղասպանության բազմակողմանի ուսումնասիրման ծրագիրը:

2006-Նորքի անտառում մեծ հրդեհ է բռնկվել: Այրվել է մոտ տասը հեկտար տարածք:

2008- Դալմայի այգիների հողօգտագործողներից Սամվել Մանուկյանը ինքնահրկիզման փորձ է կատարել Հանրապետության հրապարակում:

2014-«Դուրս մեր գրպանից» նախաձեռնության ավտոերթի ժամանակ 7 քաղաքացի բերման է ենթարկվել («Դուրս մեր գրպանից» նախաձեռնությունը պահանջում էր, որ վերացվեն կարմիր գծերով վճարովի ավտոկայանատեղերը, հինգ անգամ կրճատվեն տեսախցիկների և արագաչափերի գրանցած խախտումների համար տուգանքները և չեղյալ համարվեն մինչ այժմ սահմանված տուգանքները)։

2015-Երևանի Ազատության հրապարակում մեկնարկել է «Ո՛չ թալանին» քաղաքացիական նախաձեռնության հանրահավաքը՝ ընդդեմ հոսանքի թանկացման։

2018- Ազգային ժողովը համաձայնություն է տվել Հանրապետական խմբակցության պատգամավոր Մանվել Գրիգորյանի նկատմամբ քրեական հետապնդում հարուցելու և նրան ազատությունից զրկելու՝ գլխավոր դատախազի միջնորդությանը:

ԱՇԽԱՐՀ

240 մ.թ.ա.-հույն գիտնական Էրատոսֆեն Կիրենացին առաջին անգամ հաշվարկել է երկրագնդի պարագիծը:

1097 - առաջին Խաչակրաց արշավանքի ժամանակ խաչակիրները գրավել են Նիկեա քաղաքը:

1623– ծնվել է ֆրանսիացի նշանավոր գիտնական, փիլիսոփա, ֆիզիկոս և մաթեմատիկոս Բլեզ Պասկալը:

1762-Ռուսական կայսրությունը խաղաղության պայմանագիր է կնքել Պրուսիայի հետ:

1790-Ֆրանսիայում չեղյալ է հայտարարվել ժառանգական ազնվականությունը:

1796-Կիրխհեյմի ճակատամարտում ավստրիացիները ջախջախել են ֆրանսիացիներին:

1809-Բորգորի Սեյմը հաստատել է Ֆինլանդիայի կազմավորումը և ներառումը Ռուսական կայսրության կազմ՝ ինքնավարության տեսքով:

1807–ռուս-թուրքական պատերազմի ժամանակ (1806-1812 թթ.) Աթենքի մոտ տեղի ունեցած ծովային ճակատամարտում ռուսական բանակը ջախջախել է թուրքական բանակին:

1829- Ռոբերտ Պիլը հիմնադրել է Լոնդոնի մայրաքաղաքային ոստիկանությունը:

1846– ԱՄՆ-ի Նյու Ջերսի նահանգում տեղի է ունեցել բեյսբոլի առաջին խաղը:

1862-ստրկատիրությունը արգելվել է ԱՄՆ-ի ամբողջ տարածքում:

1920-Սովնարկոմը ստեղծել է Համառուսաստանյան հատուկ հանձնաժողով անգրագիտության վերացման համար:

1945-ծնվել է Սերբիայի Հանրապետության առաջին նախագահ Ռադովան Կարաջիչը, որը Հարավսլավիայի հարցով միջազգային տրիբունալի կողմից դատապարտվել է ցմահ բանտարկության:

1961-հայտարարվել է Քուվեյթի անկախությունը:

1991-ավարտվել է խորհրդային զորքերի դուրս բերումը Հունգարիայից:

1992-Մոլդովայի կանոնավոր բանակի գործողություններով Բանդերի քաղաքի վրա սկսվել է Մերձդնեստրյան հակամարտությունը:

2006– թողարկվել է Rome: Total War: Alexander համակարգչային խաղը:

Կամո Խաչիկյան